«قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن وتكىزۋدىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 24 ساۋىردەگى №555 جارلىعىنا وزگەرىستەر مەن تولىقتىرۋلار ەنگىزۋ تۋرالى
«قازاقستان رەسپۋبليكاسىنىڭ پرەزيدەنتى تۋرالى» 1995 جىلعى 26 جەلتوقسانداعى قازاقستان رەسپۋبليكاسى كونستيتۋتسيالىق زاڭىنىڭ 17-بابى 4-1) تارماقشاسىنا سايكەس قاۋلى ەتەمىن:
1. «قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن وتكىزۋدىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 24 ساۋىردەگى № 555 جارلىعىنا (قازاقستان رەسپۋبليكاسىنىڭ ءپۇاج-ى, 2013 ج., № 28, 424-قۇجات) مىناداي وزگەرىستەر مەن تولىقتىرۋلار ەنگىزىلسىن:
جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىن قىزمەتكە سايلاۋ,
وكىلەتتىگىن توقتاتۋ جانە قىزمەتتەن بوساتۋ قاعيدالارىندا:
8-تارماق مىناداي رەداكتسيادا جازىلسىن:
«8. اكىمدەردىڭ سايلاۋىنا ازىرلىكتى جانە ونى وتكىزۋدى ۇيىمداستىراتىن سايلاۋ ورگاندارى وبلىستىق, اۋداندىق (قالالىق) سايلاۋ كوميسسيالارى بولىپ تابىلادى.»;
مىناداي مازمۇنداعى 8-1-تارماقپەن تولىقتىرىلسىن:
«8-1. وبلىستىق سايلاۋ كوميسسياسى:
1) اكىمشىلىك-اۋماقتىق بىرلىك اۋماعىندا سايلاۋ تۋرالى زاڭنامانىڭ ورىندالۋىن باقىلاۋدى جۇزەگە اسىرادى;
2) تومەنگى تۇرعان اۋماقتىق سايلاۋ كوميسسيالارىنىڭ قىزمەتىنە باسشىلىق ەتەدى; ولاردىڭ شەشىمدەرىنىڭ كۇشىن جويادى جانە توقتاتا تۇرادى; سايلاۋ ناۋقانىن وتكىزۋ ءۇشىن بولىنگەن مەملەكەتتىك بيۋدجەت قاراجاتىن ولاردىڭ اراسىندا بولەدى; تومەنگى تۇرعان اۋماقتىق سايلاۋ كوميسسيالارىنىڭ قىزمەتىنە قاجەتتى ماتەريالدىق-تەحنيكالىق جاعدايلاردىڭ جاسالۋىن باقىلايدى; تومەنگى تۇرعان اۋماقتىق سايلاۋ كوميسسيالارىنىڭ شەشىمدەرى مەن ءىس-ارەكەتتەرىنە (ارەكەتسىزدىگىنە) ارىزدار مەن شاعىمداردى قارايدى; ءتيىستى اكىمشىلىك-اۋماقتىق بىرلىكتىڭ شەگىندە قۇرىلعان تومەنگى تۇرعان اۋماقتىق سايلاۋ كوميسسيالارىنىڭ ورتالىق سايلاۋ كوميسسياسىنىڭ شەشىمدەرىن ورىنداۋىن ۇيىمداستىرادى;
3) سايلاۋعا ازىرلىككە جانە ونى وتكىزۋگە بايلانىستى ماسەلەلەر بويىنشا سايلاۋ كوميسسيالارىنىڭ, مەملەكەتتىك ورگاندار مەن ۇيىمداردىڭ ەسەپتەرىن, سونداي-اق سايلاۋ تۋرالى زاڭنامانىڭ ساقتالۋى ماسەلەلەرى بويىنشا قوعامدىق بىرلەستىكتەر ورگاندارىنىڭ اقپاراتىن تىڭداۋعا قۇقىلى;
4) «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىنا سايكەس باسقا دا وكىلەتتىكتەردى جۇزەگە اسىرادى.»;
9-تارماقتىڭ 1) تارماقشاسى مىناداي رەداكتسيادا جازىلسىن:
«اكىمدەردىڭ سايلاۋىن تاعايىندايدى جانە ونىڭ وتكىزىلۋىن قامتاماسىز ەتەدى;»;
13-تارماق مىناداي مازمۇنداعى ەكىنشى بولىكپەن تولىقتىرىلسىن: «جەرگىلىكتى قوعامداستىقپەن كونسۋلتاتسيالار ءتيىستى اۋداندىق (قالالىق) سايلاۋ كوميسسياسى تاعايىنداعان ساتتەن باستاپ جۇرگىزىلۋى مۇمكىن.»; مىناداي مازمۇنداعى 14-1-تارماقپەن تولىقتىرىلسىن:
«14-1. اۋدان (قالا) اكىمى اكىمدىككە كانديداتتاردى ۇسىنۋ تۋرالى ۇسىنىمىن اۋداندىق (قالالىق) سايلاۋ كوميسسياسىنان داۋىس بەرۋگە كەمىندە ەكى كۇن قالعاندا كەرى قايتارىپ الا الادى.
بۇل جاعدايلاردا ءتيىستى اۋداندىق (قالالىق) سايلاۋ كوميسسياسى كانديداتتى ءتىركەمەيدى نە كانديداتتى تىركەۋ تۋرالى شەشىمنىڭ كۇشىن جويادى جانە قابىلدانعان شەشىم تۋرالى اۋدان (قالا) اكىمىنە حابارلايدى.»;
40-تارماقتىڭ ەكىنشى بولىگىنىڭ 1) تارماقشاسى مىناداي رەداكتسيادا جازىلسىن:
«1) سايلاۋ كوميسسيالارىن ۇيىمداستىرۋعا جانە قىزمەتىنە:
سايلاۋ كوميسسيالارى مۇشەلەرىنىڭ جالاقىسى;
جالاقىعا ۇستەمەاقى;
تەحنيكالىق قامتاماسىز ەتۋ (كومپيۋتەرلەر, ۇيىمداستىرۋ تەحنيكاسىن ساتىپ الۋ, جابدىقتاردى جالعا الۋ جانە جابدىقتارعا تەحنيكالىق قىزمەت كورسەتۋ, سونداي-اق داۋىس بەرۋگە ارنالعان كۇرال-جابدىقتاردى ساتىپ الۋ جانە جاساۋ);
كولىك شىعىستارى;
بۇقارالىق اقپارات قۇرالدارىندا جاريالاۋ;
بايلانىس قىزمەتتەرى, پوچتا-تەلەگراف شىعىستارى;
پوليگرافيالىق شىعىستار;
كەڭسە جانە شارۋاشىلىق تاۋارلارىن, ۇراندار, پلاكاتتار, مەملەكەتتىك رامىزدەر ءۇشىن ماتەريالدار ساتىپ الۋ;»;
45-تارماق مىناداي رەداكتسيادا جازىلسىن:
«45. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمىنىڭ سايلاۋىن قازاقستان رەسپۋبليكاسىنىڭ ءتيىستى اۋداندىق (قالالىق) سايلاۋ كوميسسياسى اكىمنىڭ وكىلەتتىك مەرزىمىنىڭ اياقتالۋىنا كەمىندە قىرىق بەس كۇن قالعاندا تاعايىندايدى. اكىمنىڭ وكىلەتتىگى مەرزىمىنەن بۇرىن توقتاتىلعان جاعدايدا, وكىلەتتىگى مەرزىمىنەن بۇرىن توقتاتىلعان كۇننەن باستاپ ءۇش اي ىشىندە سايلاۋ وتكىزىلەدى.»;
46-تارماق مىناداي رەداكتسيادا جازىلسىن:
«46. اكىمدەردىڭ سايلاۋىندا داۋىس بەرۋ جانە سايلاۋ قورىتىندىلارىن انىقتاۋ «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىندا بەلگىلەنگەن سايلاۋ راسىمدەرىنە سايكەس, وسى قاعيدالاردىڭ 46-1-تارماعىندا بەلگىلەنگەن ەرەكشەلىكتەردى ەسكەرە وتىرىپ جۇزەگە اسىرىلادى.»;
مىناداي مازمۇنداعى 46-1-تارماقپەن تولىقتىرىلسىن:
«46-1. تاڭداۋشىلاردىڭ داۋىستارى تەڭ بولعان جاعدايدا, قايتا داۋىس بەرۋ وتكىزىلەدى.
قايتا داۋىس بەرۋ سايلاۋ كۇنى وتكىزىلەدى.»;
55-تارماق مىناداي رەداكتسيادا جازىلسىن:
«55. ەگەر سايلاۋ جارامسىز دەپ تانىلسا نە قايتا داۋىس بەرۋ سايلانعان كانديداتتى ايقىنداۋعا مۇمكىندىك بەرمەسە, اۋداندىق (قالالىق) سايلاۋ كوميسسياسى قايتا سايلاۋ وتكىزۋ تۋرالى شەشىم قابىلدايدى.»;
60-تارماق مىناداي رەداكتسيادا جازىلسىن:
«60. وبلىستىق, اۋداندىق (قالالىق) سايلاۋ كوميسسياسى تاڭداۋشىلاردىڭ تىزىمدەرىن جاساۋ قاعيدالارى, داۋىس بەرۋ جانە داۋىستاردى ساناۋ, سايلاۋ قورىتىندىلارىن انىقتاۋ ءتارتىبى بۇزىلعان, وسى قاعيدالاردى باسقا دا بۇزۋشىلىقتار ورىن العان جاعدايدا, ەگەر بۇل ءىس-ارەكەتتەر تاڭداۋشىلاردىڭ ەرىك ءبىلدىرۋ ناتيجەلەرىن دۇرىس انىقتاۋعا مۇمكىندىك بەرمەيتىن بولسا, اكىمدەر سايلاۋىن جارامسىز دەپ تانۋى مۇمكىن.».
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن. نازارباەۆ.
استانا, اقوردا, 2014 جىلعى 9 ءساۋىر. №792