ەنەرگەتيكا سالاسى قىزمەتكەرلەرىنىڭ ەڭبەكاقىسىن كوتەرۋ جونىندە بىرقاتار شارا قابىلدانىپ جاتىر. بۇل تۋرالى قر پرەمەر-ءمينيسترى ءاليحان سمايىلوۆ ءمالىم ەتتى, دەپ جازادى Egemen.kz
«وتكەن جىلى ەنەرگيا ءوندىرۋشى ۇيىمدار ەلەكتر قۋاتىن وندىرۋگە شەكتى ءتاريفتى تۇزەتۋ كەزىندە وندىرىستىك جۇمىسشىلاردىڭ جالاقىسىن ارتتىرۋ بويىنشا شارا قابىلدادى. ول بويىنشا ەڭبەكاقىنى 15% كوبەيتۋ كوزدەلگەن. سونىمەن قاتار تابيعي مونوپوليا سۋبەكتىلەرىنىڭ جىلۋ ەنەرگياسىن ءوندىرۋ تاريفىندە ەڭبەكاقى تولەۋ قورىن جىل سايىن 4% ءوسىرۋ قارالعان. وسىعان بايلانىستى 2021 جىلدىڭ قورىتىندىسى بويىنشا قازاقستاننىڭ جەو وندىرىستىك قىزمەتكەرلەر جالاقىسىنىڭ ورتاشا ءوسىمى - شامامەن 10%. سونداي-اق, تابيعي مونوپوليالار سالاسىنداعى ۋاكىلەتتى ورگان جىلدىق ستاتيستيكاعا سۇيەنە وتىرىپ, ەكونوميكالىق قىزمەت تۇرلەرى بويىنشا وڭىرلەر بولىنىسىندە وندىرىستىك جانە اكىمشىلىك-باسقارۋ قىزمەتكەرلەرىنىڭ ورتاشا ايلىق جالاقىسىن ايقىنداۋ جونىندەگى تالاپتى بەلگىلەۋ بولىگىندە تاريف قالىپتاستىرۋ قاعيدالارىنا وزگەرىستەر ەنگىزۋ ماسەلەسىن قاراستىرىپ جاتىر», دەدى مينيستر.