اباي, جەتىسۋ, ۇلىتاۋ وبلىستارىن قۇرۋ تۋرالى جارلىقتىڭ جوباسى مەملەكەت باسشىسىنىڭ قاراۋىنا ەنگىزىلدى, دەپ حابارلايدى Egemen.kz ۇكىمەتتىڭ تەلەگرام كانالىنا سىلتەمە جاساپ.
مەملەكەت باسشىسىنىڭ تاپسىرماسىن ىسكە اسىرۋ اياسىندا ۇكىمەتتىك كوميسسيا قۇرىلىپ, اۋقىمدى جۇمىستار اتقارىلدى. جارلىق جوباسىن دايىنداۋ كەزىندە اۋداندىق جانە وبلىستىق ءماسليحاتتار دەڭگەيىندە بىرقاتار جاريا تىڭداۋلار ءوتتى.
سونىمەن قاتار رەسپۋبليكالىق ونوماستيكا كوميسسياسىنىڭ وتىرىسى ءوتىپ, وندا جاڭا وبلىستارعا اتاۋلار بەرۋ تۋرالى ۇسىنىستار قولداۋ تاپتى. اۋىلدىق ەلدى مەكەندەردە جەرگىلىكتى اتقارۋشى ورگاندار تۇرعىندارمەن كەزدەسۋلەر ۇيىمداستىرىپ, ءتۇسىندىرۋ جۇمىستارىن وتكىزدى.
قر پرەزيدەنتىنىڭ باستاماسى جاڭادان قۇرىلاتىن وڭىرلەردىڭ تۇرعىندارى مەن قوعام بەلسەندىلەرى, اۋداندىق جانە وبلىستىق دەڭگەيدەگى دەپۋتاتتار تاراپىنان قولداۋ تاپتى. قوعامدىق پىكىرلەر مەن ۇسىنىستار ەسكەرىلە وتىرىپ, قايتا ۇيىمداستىرىلاتىن جانە جاڭادان قۇرىلاتىن وڭىرلەردىڭ شەكارالارى ايقىندالدى.