ءورت قاۋپى ارتقان ماۋسىمدا ءزىلزالالاردىڭ قاۋىپ-قاتەرىن ازايتۋ جانە ورمان جانە دالا ورتتەرىن جويۋ جونىندەگى ءىس-شارالار جوسپارىن ىسكە اسىرۋ شەڭبەرىندە جىل سايىن ەلوردانىڭ قورشاعان ورتانى قورعاۋ جانە تابيعاتتى پايدالانۋ باسقارماسى «استانا ورمانى» جشس-مەن بىرلەسىپ ءتيىستى الدىن الۋ ءىس-شارالارىن جۇرگىزەدى, دەپ حابارلايدى Egemen.kz.
جىل سايىن ەلوردانىڭ جاسىل بەلدەۋىنىڭ اۋماعىندا شارتتى ءورتتى جويۋ بويىنشا ءورت-تاكتيكالىق وقۋ-جاتتىعۋلار وتكىزىلەدى.
سونداي-اق, ءورت جولاقتارىن مەحانيكالاندىرىلعان وڭدەۋ (جىرتۋ, ديسك) جۇزەگە اسىرىلادى. ماۋسىم بويى ولار ءۇش رەت وڭدەلەدى. ورتكە قارسى قورعانىس جولاعى استانانىڭ جاسىل بەلدەۋى القااعاشتارىنىڭ اينالاسىندا تومەنگى ءورت جاعدايىندا جەر بەتى بويىنشا وتتىڭ تارالۋىنا توسقاۋىل جاسايدى. بۇل جۇمىستارعا مامىر ايىنىڭ ورتاسىنا دەيىن 260 گەكتار جەر جىرتاتىن 6 متز-82 تراكتورى تارتىلعان.
سونىمەن قاتار, جاسىل بەلدەۋ اۋماعىندا 1,5 مىڭ تەكشە مەتر تاۋلىكتىك سۋ قورى بار سۋ قۇيۋ ستانتسياسى جۇمىس ىستەيدى, تۇراقتى نەگىزدە ءورت ءسوندىرۋ اۆتوكولىكتەرىنىڭ تاۋلىك بويى كەزەكشىلىگى جۇرگىزىلەدى.
ايانا توعانبەك