ەلىمىزدە ازىق-ت ۇلىك ونىمدەرىن تۇتىنۋ كورسەتكىشى ازايعان

ۇلتتىق ستاتيستيكا بيۋروسىنىڭ دەرەگىنشە, 2020 جىلمەن سالىستىرعاندا بىلتىر قانت جانە كونديتەر ونىمدەرىنەن باسقا ازىق-ت ۇلىك ونىمدەرىنىڭ نەگىزگى توپتارى بويىنشا تۇتىنۋ كورسەتكىشى تومەندەگەن.

«ماڭىزى بار ازىق-ت ۇلىك ونىمدەرى توپتارىنىڭ ىشىندە تۇتىنۋ كورسەتكىشى ءسۇت جانە ءسۇت ونىمدەرىنە - 6,3%, نان جانە جارما ونىمدەرىنە - 4,7%, ەت جانە ەت ونىمدەرىنە 1,7% تومەندەدى. بىلتىر ءبىر ايدا ورتاشا ەسەپپەن حالىقتىڭ جان باسىنا شاققانداعى ازىق-ت ۇلىك ونىمدەرىنىڭ جەكەلەگەن تۇرلەرى بويىنشا تۇتىنۋى: كارتوپ – 3,9 كگ, ءبىرىنشى سۇرىپتاعى بيداي ۇنىنان پىسىرىلگەن نان – 2,8 كگ, سيىر ەتى – 2 كگ, الما - 1,6 كگ, كۇرىش, قۇمشەكەر – 1,3 كگ, شيكى ءسۇت, ايران – 1,3 ل, جۇمىرتقا – 16,2 دانا, ماكارون – 0,9 كگ, جاڭا اۋلانعان نەمەسە سالقىنداتىلعان بالىق – 0,8 كگ, قارا شاي – 0,1 كگ», دەپ جازدى ۆەدومستۆودان.

قالا مەن اۋىل حالقىنىڭ ازىق-ت ۇلىك ونىمدەرىنىڭ نەگىزگى توپتارىن تۇتىنۋ كورسەتكىشىن سالىستىرعاندا, ەڭ جوعارى ايىرماشىلىق جۇمىرتقا, نان جانە جارما ونىمدەرى, سونداي-اق جەمىستەردى تۇتىنۋدا بايقالادى.

«ازىق-ت ۇلىك ونىمدەرىن تۇتىنۋ دەرەكتەرى تۇرمىس دەڭگەيىنە قاراي 12 000 ءۇي شارۋاشىلىعىن ىرىكتەپ زەرتتەۋ ناتيجەلەرىمەن ەسەپتەلدى», دەلىنگەن حابارلامادا.