قر توتەنشە جاعدايلار ءمينيسترى يۋري ءيليننىڭ ايتۋىنشا, ەلدەگى 5 وڭىردە ورتكە قارسى قىزمەتتەردىڭ قاجەتتى قۇرالدارمەن جابدىقتالۋ دەڭگەيى 50 پايىزعا دا جەتپەيدى, دەپ حابارلايدى Egemen.kz.
«تابيعات قورعاۋ جانە ورمان مەكەمەلەرىنىڭ جاراقتاندىرىلۋى 50%-دان اسپايتىن وڭىرلەر بار. ماسەلەن, اتىراۋ وبلىسىنىڭ اكىمدىكتەرىنە باعىنىستى مەكەمەلەرىندە جاراقتاندىرۋ 20%-دى, قىزىلوردا – 33%-دى, باتىس قازاقستان – 47%-دى, شىعىس قازاقستان وبلىسىنىڭ ەكولوگيا مينيسترلىگىنە باعىنىستى مەكەمەلەرىندە جاراقتاندىرۋ 24%-دى, اقتوبە – 47%-دى, سولتۇستىك قازاقستاندا – 48%-دى قۇرايدى», دەدى يۋري يلين.
ونىڭ مالىمەتىنە قاراعاندا, ەكولوگيا مينيسترلىگىنىڭ وزىندە اۆتوتسيستەرنالارمەن, ءورت ستانسالارىمەن, مۇنارالارمەن, سورعىلارمەن جانە باسقا دا جابدىقتارمەن جاراقتالۋ دەڭگەيى 73% عانا. ال اكىمدىكتەردە بۇل كورسەتكىش 68% شاماسىندا.
«قازىر قولداعى تەحنيكانىڭ بەستەن ءبىرىنىڭ پايدالانۋ مەرزىمى ءوتىپ كەتكەن. ياعني ءورتتى اۋىزدىقتاۋعا جارامسىز», دەدى مينيستر.
ايانا توعانبەك