اتباسار تۇرعىنى ۇيىندە كريپتوۆاليۋتا شىعارۋمەن اينالىسقان. بۇل تۋرالى «قۇقىقتىق ءتارتىپ» الدىن الۋ شاراسى بارىسىندا ايتىلدى, دەپ حابارلايدى Egemen.kz.
اقمولا وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, بيىلعى جىلعى ءساۋىردىڭ 24-ىندە اتباسار اۋداندىق پوليتسيا ءبولىمىنىڭ پوليتسيا قىزمەتكەرلەرى اتباسار قالاسىنىڭ 29 جاستاعى تۇرعىنىنىڭ ۇيىنەن كريپتوۆاليۋتا جاسايتىن جابدىقتاردى تاپتى. ونىڭ ىشىندە 2 دانا جۇمىس ىستەپ تۇرعان ايتماينەر ارنايى جابدىعى, سونداي-اق, ايتماينەرگە قاجەتتى 9 دانا جابدىق جانە وزگە دە قوسالقى تەحنيكالار بار.
«تابىلعان جابدىقتاردىڭ يەسى باعدارلاماشى – 29 جاستاعى جەرگىلىكتى تۇرعىن. ەر ادامنىڭ ۇيىندە كريپتوۆاليۋتا جاساپ كەلە جاتقاندىعىنا 3 اي بولعان. قازىرگى كەزدە, وسىعان بايلانىستى ءىس ماتەريالدارى مەملەكەتتىك كىرىستەر باسقارماسىنا اكىمشىلىك حاتتاما تولتىرۋ ءۇشىن جولداندى», دەدى ۆەدومستۆودان.
ايتا كەتسەك, قىزمەتتىڭ وسى ءتۇرى (ماينينگ) بويىنشا 2022 جىلدان باستاپ قازاقستان رەسپۋبليكاسىندا تولەماقى (تسيفرلىق ماينينگ ءۇشىن تولەماقى) الىنادى.