ەلوردادا ءوتىپ جاتقان Eurasian Book Fair-2022 V ەۋرازيا حالىقارالىق كىتاپ كورمە-جارمەڭكەسىندە روزا باعلانوۆاعا ارنالعان كىتاپ-البومنىڭ تۇساۋكەسەرى ۇيىمداستىرىلدى, دەپ حابارلايدى Egemen.kz قر مادەنيەت جانە سپورت مينيسترلىگىنە سىلتەمە جاساپ.
«تاۋەلسىزدىك العان جىلداردان بەرى مەملەكەت وتاندىق كىتاپ سالاسىن دامىتۋعا, قازاقستاندىق اۆتورلاردى قولداۋعا, قوعامدىق ماڭىزى بار ادەبيەتتەردى شىعارۋعا ەرەكشە كوڭىل ءبولىپ كەلەدى. وزدەرىڭىز بىلەتىندەي, بيىل اتى اڭىزعا اينالعان ءانشى روزا باعلانوۆانىڭ تۋعانىنا 100 جىل تولىپ وتىر. وسى مەرەيتويعا «روزا باعلانوۆا» كىتاپ-البومى دايىندالدى. مەنىڭ ويىمشا, بۇل وقىرماندارعا قىزىقتى بولادى», دەدى مادەنيەت جانە سپورت ءمينيسترى داۋرەن اباەۆ كىتاپتىڭ تۇساۋكەسەر راسىمىندە. داڭقتى انشىگە ارنالعان كىتاپ-البومنىڭ 3 مىڭ داناسى شىعارىلعان.
ايتا كەتەيىك, كورمە-جارمەڭكەنىڭ نەگىزگى ماقساتى - كىتاپ وقۋدى ناسيحاتتاۋ, وقىرمان مادەنيەتىن قالىپتاستىرۋ, الەۋەتتى وقىرماندار مەن ساتىپ الۋشىلارعا جەتەكشى باسپالاردىڭ كىتاپ ونىمدەرىنىڭ زاماناۋي اسسورتيمەنتىن ۇسىنۋ. سونداي-اق, كىتاپ شىعارۋ مەن پوليگرافيا سالاسىنداعى جاڭا تەحنولوگيالاردى تانىستىرىپ, الەمدىك كىتاپ شىعارۋ جانە باسپا يندۋسترياسىنىڭ تاجىريبەسىن زەردەلەۋ.
بيىلعى كورمەگە بارلىعى 80-نەن استام كومپانيانىڭ ءونىمى قويىلعان.
ەسكە سالا كەتەيىك, قىزىلوردادا جانە الماتىدا روزا باعلانوۆانىڭ ەسكەرتكىشى اشىلدى.