ەلوردادا رەسەيدىڭ سۆەردلوۆ وبلىسىنىڭ اۋماعىندا بىرنەشە ۇرلىق جاساعانى ءۇشىن ىزدەۋدە جۇرگەن وزبەكستان ازاماتى ۇستالدى, دەپ حابارلايدى Egemen.kz.
نۇر-سۇلتان قالاسىنىڭ اۋماعىندا جەدەل-ىزدەستىرۋ شارالارىن جۇرگىزۋ بارىسىندا مەملەكەتارالىق ىزدەۋدە جۇرگەن قىلمىسكەر, 39 جاستاعى وزبەكستان رەسپۋبليكاسىنىڭ ازاماتى قولعا ءتۇستى.
«2017 جىلدىڭ جەلتوقسانىنان 2018 جىلدىڭ ساۋىرىنە دەيىن ۇيىمداسقان توپتىڭ قۇرامىندا بولعان ەر ادامنىڭ رەسەي فەدەراتسياسىنىڭ سۆەردلوۆ وبلىسى اۋماعىندا جۇك كولىگىنەن ۇرلىق جاساعانى انىقتالدى. كورسەتىلگەن كەزەڭدە ۇستالعان ازامات باسقارعان توپتىڭ قاتىسۋشىلارى كولىك قۇرالدارىنان كەم دەگەندە 18 رەت ۇيىمداردىڭ مۇلكىن جاسىرىن ۇرلاعان», دەپ جازدى استانالىق پوليتسيا دەپارتامەنتى.
2019 جىلدىڭ شىلدەسىندە رەسەيدىڭ سۆەردلوۆ وبلىسى بويىنشا قۇزىرلى ورگاندارى كۇدىكتىگە رەسەي فەدەراتسياسى قىلمىستىق كودەكسىنىڭ 158-بابى 4-بولىگىندە كوزدەلگەن قىلمىستى جاساعانى ءۇشىن مەملەكەتارالىق ىزدەۋ جاريالاعان.