باس پروكۋراتۋرا الماتى قالاسى ءماسليحاتىنىڭ دەپۋتاتى قايرات قۇدايبەرگەن قاڭتار وقيعاسىنىڭ ءىسى بويىنشا ۇستالعانىن راستادى, دەپ حابارلايدى Egemen.kz.
قر باس پروكۋراتۋرانىڭ ءباسپاسوز حاتشىسى دارحان دۇيسەمبايدىڭ ايتۋىنشا, قايرات قۇدايبەرگەن 21 ساۋىردە ۋاقىتشا ۇستاۋ يزولياتورىنا قاماۋعا الىنعان.
الدىن الا تەرگەۋمەن ق.ق. قۇدايبەرگەن ا.ب. جۇماگەلديەۆپەن («ديكي ارمان» دەپ اتالاتىن) بىرگە «قازاقستان» قوناق ۇيىندە ادامدار جيناۋدى ۇيىمداستىرىپ, دجۋماگەلديەۆتىڭ اينالاسىنا بىرىگۋگە, ونى قولداۋعا جانە بيلىكتىڭ بىرىڭعاي تالاپتارىن ۇسىنۋعا شاقىرعانى, سونداي-اق ادامداردى 10 ادامنان «ۇياشىقتار» بويىنشا ءبولىپ جانە ولاردىڭ توپتارىنىڭ ەرەكشەلىكتەرىنىڭ بەلگىسى رەتىندە قولدارىنا اق تاڭعىشتاردى تاڭۋعا نۇسقاۋ بەرگەنى انىقتالدى.
سودان كەيىن قۇدايبەرگەن مەن جۇماگەلديەۆ جيناعان توپ الاڭعا شىعىپ, جۇماگەلديەۆ توڭىرەگىندەگى ميتينگىلەردى بىرىكتىرۋگە, الاڭدا جەدەل شتاب ۇيىمداستىرۋعا جانە بيلىك الدىندا بىرىڭعاي تالاپتار قويۋعا تىرىسقان.
قۇدايبەرگەن-جۇماگەلديەۆ ۇيىمداستىرعان بۇل زاڭعا قارسى اكتسيا زورلىق-زومبىلىق پەن ءتۇرلى اۋىرلىقتاعى دەنە جاراقاتتارىن كەلتىرۋمەن جاپپاي توبەلەسكە ۇلاستى.
قۇدايبەرگەننىڭ جاپپاي تارتىپسىزدىكتەردى ۇيىمداستىرۋى مەن قاتىسۋى «قازاقستان» قوناق ۇيىنەن, جۇماگەلديەۆ توبىنىڭ ۇستالعان قاتىسۋشىلارىنىڭ ۇيالى تەلەفوندارىنان الىنعان بەينەجازبالارمەن, كۋاگەرلەردىڭ ايعاقتارىمەن راستالادى.