الماتىداعى ءىرى ساۋدا ورتالىقتارىنىڭ بىرىنەن ادامدار ەۆاكۋاتسيالاندى. قالانىڭ توتەنشە جانە جەدەل قىزمەتتەرى جارىلعىش زات تۋرالى حابارعا بايلانىستى تەكسەرۋ جۇمىستارىن جۇرگىزىپ جاتىر, دەپ حابارلايدى Egemen.kz.
«Forum» ساۋدا-ويىن-ساۋىق ورتالىعىنا جارىلعىش زات قويىلعانى تۋرالى حابار الماتى قالالىق پوليتسيا دەپارتامەنتىنە تۇسكەن.
«قازىرگى ۋاقىتتا قالانىڭ توتەنشە جاعدايلار قىزمەتى ەۆاكۋاتسيالاۋ جانە تەكسەرۋ شارالارىن ۇيىمداستىردى. ساپەرلەر جۇمىلدىرىلادى. ساۋدا ورتالىعىنىڭ كەلۋشىلەرى مەن قىزمەتكەرلەرى قاۋىپسىز جەرگە ەۆاكۋاتسيالاندى», دەپ حابارلادى ۆەدومستۆونىڭ ءباسپاسوز قىزمەتى.