تاريح عىلىمدارىنىڭ دوكتورى, ارحەولوگيا پروفەسسورى, گەرمانيا ارحەولوگيالىق ينستيتۋتىنىڭ, قوعامدىق عىلىمدار اكادەمياسىنىڭ كوررەسپوندەنت-مۇشەسى, الەمگە ايگىلى عالىم ۆيكتور فەدوروۆيچ زايبەرت 75 جاسىندا قايتىس بولدى, دەپ حابارلايدى Egemen.kz.
ۆيكتور زايبەرت - قازاقستاننىڭ ارحەولوگياسى مەن ەجەلگى تاريحى تۋرالى عىلىمي جاڭالىقتاردىڭ, مونوگرافيالار مەن كوپتەگەن ماقالالاردىڭ اۆتورى.
ول - 1980 جىلى الەمدى بوتاي مادەنيەتىمەن تانىستىرعان بىرەگەي ارحەولوگ.
ۆيكتور زايبەرت 1947 جىلى قازىرگى سولتۇستىك قازاقستان وبلىسى ەسىل اۋدانىنىڭ نيكولاەۆكا اۋىلىندا دۇنيەگە كەلگەن. ياۆلەنكا ورتا مەكتەبىن, كەيىن پەتروپاۆل پەدينستيتۋتىنىڭ تاريح فاكۋلتەتىن «تاريح مۇعالىمى» ماماندىعى بويىنشا بىتىرگەن.
ۆيكتور زايبەرت ءوز ەڭبەك جولىن 1969 جىلى سولتۇستىك قازاقستان وبلىستىق تاريحي-ولكەتانۋ مۇراجايىنىڭ ارحەولوگيا بولىمىندە باستادى.
1967 جىلى مۋزەي قىزمەتكەرى جانە پەدينستيتۋتتىڭ وقىتۋشىسى گەننادي ءزدانوۆيچتىڭ باسشىلىعىمەن سولتۇستىك قازاقستاننىڭ ارحەولوگيالىق ەسكەرتكىشتەرىن زەرتتەۋمەن اينالىسا باستادى.
ەرميتاجدا, مەملەكەتتىك تاريحي مۋزەيدە, پۋشكين مۋزەيىندە, بۇكىلوداقتىق رەستاۆراتسيالاۋ ورتالىعىندا, كرەمل رەستاۆراتسيالاۋ زەرتحانالارىندا تاعىلىمدامادان وتكەن.
بار عۇمىرىن تاريح پەن ارحەولوگياعا ارناعان ۆيكتور زايبەرت 75 جاسىندا كوز جۇمدى.