قاڭتارداعى وقيعالار بويىنشا جالعان اقپارات تاراتقانى ءۇشىن 11 قىلمىستىق ءىس قوزعالدى, دەپ حابارلايدى Egemen.kz.
«الەۋمەتتىك جەلىلەردە جالعان اقپارات, سونىڭ ىشىندە كۇدىكتىلەرگە تەرگەۋدىڭ رۇقسات ەتىلمەگەن ادىستەرىن قولدانۋ تۋرالى اقپارات پايدا بولىپ جاتىر. ءار فاكت مۇقيات تەكسەرىلەدى. قىلمىستىق كودەكستە جالعان اقپارات تاراتقانى ءۇشىن جاۋاپكەرشىلىك كوزدەلگەنىن ەسكە سالامىن. قازىرگى ۋاقىتتا وسىنداي حابارلامالار بويىنشا 11 سوتقا دەيىنگى تەرگەۋ تىركەلدى. ءبىر قىلمىستىق ءىس سوتقا جولداندى», دەدى قر باس پروكۋراتۋراسىنىڭ 1-قىزمەت باستىعىنىڭ ورىنباسارى ەلدوس قيلىمجانوۆ.
ول قۇقىق قورعاۋ ورگاندارى مەن پروكۋراتۋرا قاڭتارداعى وقيعالاردىڭ ءمانجايىن تولىق جانە وبەكتيۆتى تەرگەۋدى قامتاماسىز ەتۋ ءۇشىن بارلىق كۇش-جىگەردى جۇمىلدىرادى دەپ سەندىردى.
ايانا توعانبەك