ۇلتتىق ستاتيستيكا بيۋروسىنىڭ مالىمەتىنشە, 2022 جىلدىڭ قاڭتار-ناۋرىز ايلارىندا رەسپۋبليكادا 8668 نىسان پايدالانۋعا بەرىلدى. ءبىر جىل بۇرىن 9500 نىسان سالىنسا, 2019 جانە 2020 جىلدىڭ العاشقى ءۇش ايىندا 10 مىڭ نىسان قۇرىلىسى اياقتالدى, دەپ حابارلايدى Egemen.kz.
قازىرگى كورسەتكىش 2014 جىلدان بەرگى كورسەتكىشپەن سالىستىرعاندا ەڭ تومەن بولىپ ەسەپتەلەدى. بۇل رەتتە قۇرىلىس ديناميكاسى پايدالانۋعا بەرىلگەن بارلىق وبەكتىلەردىڭ جالپى سانىنان 90-95%-ىن قۇرايتىن سالىنعان تۇرعىن ۇيلەر كولەمىمەن انىقتالادى. بۇل رەتتە باسپانا بويىنشا كورسەتكىش تومەندەدى. بىلتىرعى جىلدىڭ قاڭتار-ناۋرىز ايلارىندا 9 044 تۇرعىن ءۇي سالىنسا, بيىلعى جىلدىڭ اتالعان كەزەڭىندە7 764 نىسان بوي كوتەرگەن. بۇل دا سوڭعى 8 جىلداعى ەڭ تومەنگى كورسەتكىش.
وسى ورايدا پايدالانۋعا بەرىلگەن تۇرعىن ۇيلەردىڭ جالپى اۋدانى 2,8 ملن شارشى مەتردەن استى. بۇل وتكەن جىلمەن سالىستىرعاندا 0,2 پايىزعا ارتىق. پايدالى اۋدانى 2,44 ملن شارشى مەتردى قۇرادى (-0,8%). پايدالانۋعا بەرىلگەن پاتەرلەردىڭ جالپى سانى 23330 (-1,4%).
بۇل سالىنعان پاتەرلەردىڭ ورتاشا اۋدانى وسكەنىن كورسەتەدى. ەگەر 2021 جىلى بۇل كورسەتكىش 103,9 شارشى مەتر بولسا, بيىل ونىڭ كولەمى 105 شارشى مەترگە تەڭ.