بۇل تۋرالى وبلىس اكىمى سەرىك شاپكەنوۆ الەۋمەتتىك جەلىدەگى پاراقشاسىندا جازدى, دەپ حابارلايدى Egemen.kz.
قازىر ويىل وزەنىڭ سۋى قامىسكولدەن ءارى قاراي جارىپشىققانعا قۇيىپ تايسويعان اۋىلىنا قاراي اعۋدا. اۋىلدىڭ اينالاسىنداعى سايلارعا سۋ تولا باستاعان.
ميالى اۋىلىمەن جانگەلدين, ويىل, كوزدىعارا, تاسشاعىل, قاراكول, قىزىلقوعا اۋىلدىق وكرۋگتەرىمەن بايلانىس ۇزىلگەن جوق. شۇعىل شارۋالارى بار تۇرعىنداردى قايىقپەن وتكىزۋ جۇمىستارى جۇرگىزىلىپ جاتىر.
بۇگىنگە دەيىن ميالى مەن جانگەلدين اۋىلى اراسىندا 200-گە جۋىق تۇرعىن قايىقپەن وتكىزىلگەن. اۋداندىق پوليتسيا ءبولىمىنىڭ كۇشىمەن قوعامدىق ءتارتىپتى ساقتاۋ جۇمىستارى جۇرگىزىلۋدە.