شىمكەنتتە جىل باسىنان بەرى 200-دەن استام ماس جۇرگىزۋشى جاۋاپقا تارتىلدى, دەپ حابارلايدى Egemen.kz Polisia.kz-كە سىلتەمە جاساپ.
شىمكەنت قالاسىنىڭ پد پاترۋلدىك پوليتسيا پولكىنىڭ قىزمەتكەرلەرى جول-كولىك وقيعالارىنىڭ الدىن الۋ جانە جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا مەگاپوليستىڭ اۆتوموبيل جولدارىندا تاۋلىك بويى كەزەكشىلىك ەتەدى.
جىلدىڭ باسىنان بەرى قالا كوشەلەرىن پاترۋلدەۋ بارىسىندا ءتارتىپ ساقشىلارى ماس كۇيىندە كولىك قۇرالىن باسقارعان 243 جۇرگىزۋشىنى انىقتادى. ولارعا قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 608-بابى بويىنشا ءتيىستى اكىمشىلىك شارالار قولدانىلدى. جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە ۋىتقۇمارلىق ماساڭ كۇيدە باسقارۋى 15 تاۋلىككە اكىمشىلىك قاماققا الۋعا جانە 7 جىل مەرزىمگە كولىك قۇرالىن جۇرگىزۋ قۇقىعىنان ايىرۋعا اكەپ سوعادى.