تۇركىستان وبلىسىندا جىل سايىنعى «تازا سۋ ايدىندارى» رەسپۋبليكالىق اكتسياسى باستالدى, ونىڭ بارىسىندا كۇنىنە بەس توننا قوقىس جينالىپ, 200-گە جۋىق بالىق قۇتقارىلدى. 30 مىڭ مەترگە جۋىق يەسىز بالىق اۋلاۋ تورلارى انىقتالدى, دەپ حابارلايدى Egemen.kz.
ايتا كەتۋ كەرەك, شاردارا سۋ قويماسى 72 مىڭ گا اۋماقتى الىپ جاتىر, بۇل اۋماقتى تازالاۋعا 200-گە جۋىق تابيعات جاناشىرلارى قاتىستى, 15 بىرلىك تەحنيكا, 9 بىرلىك سۋ كولىگى جۇمىلدىرىلدى.
«مۇنداي اكتسيالار بولاشاق ۇرپاق ءۇشىن سۋ قويمالارىمىزدىڭ بيوالۋانتۇرلىلىگىن ساقتاۋ ءۇشىن ۇلكەن ماڭىزعا يە. ءبىز سۋ قويمالارىن تاستالعان (يەسىز) بالىق اۋلاۋ جابدىقتارىنان, جاعالاۋ اۋماقتارىنداعى قوقىستاردان تازارتامىز. بۇل ءسوزسىز قورشاعان ورتاعا كوپ پايدا اكەلەدى. بارلىقتارىڭىزدى سۋ وبەكتىلەرىندە, بالىق رەسۋرستارى مەن باسقا دا سۋ جانۋارلارىنىڭ تىرشىلىك ەتۋ ورتالارىندا تازالىقتى ساقتاۋعا شاقىرامىن», دەپ اتاپ ءوتتى ارال-سىرداريا وبلىسارالىق بالىق شارۋاشىلىعى ينسپەكتسياسىنىڭ باسشىسى پازىلبەك نالىباەۆ.
ايتا كەتۋ كەرەك, وتكەن جىلى تۇركىستان وبلىسىنىڭ سۋ قويمالارىنان 60 مىڭ تونناعا جۋىق قوقىس تازارتىلىپ, 200-گە جۋىق ارنايى تەحنيكا جۇمىلدىرىلىپ, مىڭنان استام ەكواكتيۆيست تارتىلدى.
ەستەرىڭىزگە سالا كەتەيىك, اتالعان تابيعات قورعاۋ اكتسياسى جىل سايىن رەسپۋبليكالىق دەڭگەيدە وتكىزىلەدى. بيىل 18 ناۋرىزدان 31 مامىرعا دەيىن ۇزدىكسىز وتكىزىلەدى.