سەمەيدە ابايدىڭ «جيدەباي-ءبورىلى» مەملەكەتتىك مۋزەي-قورىعىندا 1888-89 جىلدارى قازاندا باسىلىپ شىققان قۇران كىتابىن مۋزەي قورىنا تاپسىرۋ ءراسىمى ءوتتى, دەپ حابارلايدى Egemen.kz Semeynews.kz سايتىنا سىلتەمە جاساپ.
555 بەتتەن تۇراتىن كىتاپ 1977 جىلى اقشوقى قورىمىنان تابىلدى. كىتاپتى تابىستاۋ ءۇشىن الماتىداعى مۇراجاي قورىنا تاريح عىلىمدارىنىڭ دوكتورى, ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ دوتسەنتى, اكادەميك باقداۋلەت قۇمار ارنايى كەلدى.
قۇران 114 اياتتان تۇرادى. كىتاپ وتە جاقسى ساقتالعان, ونىڭ بارلىق پاراقتارى رەتكە كەلتىرىلگەن. ەندى قۇران مۇراجاي قورىندا ساقتالىپ, ەكسپوزيتسيانىڭ ءبىر بولىگىنە اينالادى.
ايانا توعانبەك