الماتىعا مينسكىدەن ۇشىپ كەلگەن ۇشاق ىشىنە بومبا قويىلعانى تۋرالى جالعان اقپارات بەرۋ فاكتىسىنە قاتىستى قىلمىستىق ءىس قوزعالدى, دەپ حابارلايدى Egemen.kz.
«اتالعان دەرەككە قاتىستى قىلمىستىق كودەكستىڭ 273-بابى (تەرروريزم اكتىسى تۋرالى كورىنەۋ جالعان حابارلاۋ) بويىنشا سوتقا دەيىنگى تەرگەۋ امالدارى باستالدى. وزگە مالىمەتتەر قر قىلمىستىق ءىس جۇرگىزۋ كودەكسىنىڭ 201-بابىنىڭ تالاپتارىنا سايكەس تەرگەۋ مۇددەسى ءۇشىن جاريالانبايدى», دەپ حابارلادى كولىكتەگى پوليتسيا دەپارتامەنتىنىڭ ءباسپاسوز قىزمەتى.
بۇعان دەيىن الماتى اۋەجايىنىڭ ەلەكتروندى پوشتاسىنا مينسك-الماتى باعىتىنداعى ۇشاق بورتىنا جارىلعىش زات قويىلعانى تۋرالى اقپارات تۇسكەن بولاتىن.