جىلىوي اۋدانىنىڭ ورتالىعى – قۇلسارى قالاسىندا قۇرساي وزەگى بار. جاعالاۋىنا ورىندىقتار قويىلىپ, ورنەكتاس توسەلگەن. الايدا وزەكتىڭ لاستانۋى ۇلكەندەردى عانا ەمەس, مەكتەپ وقۋشىلارىن دا الاڭداتىپ وتىر.
سول سەبەپتەن, قۇلسارىلىق 9-سىنىپ وقۋشىسى بەكسۇلتان قوجابەرگەن مەن 6-سىنىپتا وقيتىن اقتىلەك امانجول سۋ ايدىنىنان قوقىس جينايتىن روبوت قۇراستىردى. روبوتتىڭ اتاۋى – تrashbot. جاڭا تەحنولوگيانىڭ ءتىلىن مەڭگەرۋگە تالپىنعان ورەندەرگە قۋانىش شالاباەۆ جەتەكشىلىك ەتەتىن روبوت تەحنيكاسى ۇيىرمەسىنە قاتىسقانى سەپتىگىن تيگىزگەن.
تالاپتى وقۋشىلار قوقىس «جەيتىن» روبوتتى قۇرساي وزەگىندە سىناقتان وتكىزدى. جاڭا روبوتپەن ەكى ساعاتتا 4-5 كيلو قوقىس جيناۋعا بولادى. سۋ ايدىنىنداعى ءتۇرلى قوقىستى جينايتىن ارنايى قاپ روبوتتىڭ ىشىنە ورنالاستىرىلعان.
– قورشاعان ورتانىڭ تازالىعى ءۇشىن مۇنداي جوبالاردىڭ سانىن ارتتىرۋ قاجەت. ويتكەنى بۇل ەلدىڭ ەكونوميكاسى مەن ءتۋريزمىن دامىتۋعا وڭ ىقپالىن تيگىزۋى مۇمكىن. جينالعان قالدىقتاردان كۇندەلىكتى قولدانىلاتىن قالام, قارىنداش, پلاستيكالىق بۇيىمدار شىعارۋعا بولادى, – دەيدى اقتىلەك امانجول.
اتىراۋ وبلىسى