2022 جىلدىڭ باسىنان باستاپ كوپبالالى وتباسىلارعا بەرىلەتىن مەملەكەتتىك جاردەماقى تولەمدەرىنىڭ جالپى سوماسى 82,2 ملرد تەڭگەنى قۇرادى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
«ورتا ەسەپپەن جاردەماقىمەن 493,1 مىڭ وتباسى قامتىلدى, ونىڭ ىشىندە ناۋرىز ايىندا 499,3 مىڭ وتباسى جالپى سوماسى 27,8 ملرد تەڭگە جاردەماقى الدى», دەپ جازىلعان ۆەدومستۆو تاراتقان حابارلامادا.
اتالعان مەملەكەتتىك جاردەماقىنى 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان الا الادى.
تولەم مولشەرى بالالاردىڭ سانىنا بايلانىستى سارالانادى جانە 2022 جىلى 49 100 تەڭگەنى (4 بالا), 61 383 تەڭگەنى (5 بالا), 73 666 (6 بالا) تەڭگەنى, 85 948 تەڭگەنى (7 بالا), 8 بالاعا – 98 016 تەڭگەنى, 9 بالاعا – 110 268 تەڭگەنى, 10 بالاعا – 122 520 تەڭگەنى, 11 بالاعا – 134 772 تەڭگەنى, 12 بالاعا – 147 024 تەڭگەنى, 13 بالاعا – 159 276 تەڭگەنى, 14 بالاعا – 171 528 تەڭگەنى, 15 بالاعا – 183 780 تەڭگەنى, 16 بالاعا – 196 032 تەڭگەنى نەمەسە ءار بالاعا 12 252 تەڭگەنى قۇرايدى.
ەسكە سالا كەتەيىك, 2020 جىلدىڭ 1 قاڭتارىنان باستاپ كوپبالالى وتباسىلارعا ولاردىڭ كىرىستەرىن ەسەپكە الماي بەرىلەتىن مەملەكەتتىك جاردەماقى – اتاۋلى الەۋمەتتىك كومەك قاراستىرىلعان.