سينوپتيكتەر 12 ءساۋىر كۇنى اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
تۇندە الماتى وبلىسىنىڭ باتىسىندا جانە وڭتۇستىگىندە, كۇندىز شىعىسىندا, تاۋلى جانە تاۋ بوكتەرلى اۋداندارىندا نايزاعاي كۇتىلەدى.
كۇندىز باتىس قازاقستان وبلىسىنىڭ باتىسىندا, وڭتۇستىگىندە نايزاعاي وينايدى.
اقتوبە وبلىسىنىڭ وڭتۇستىگىندە, ورتالىعىندا تۇمان تۇسەدى. شىمكەنت قالاسىندا كەي ۋاقىتتا نايزاعاي ويناپ, داۋىل تۇرادى.
تۇركىستان قالاسىندا تۇندە جانە تاڭەرتەڭ نايزاعاي, داۋىل كۇتىلەدى. وڭتۇستىك-باتىستان جەل سوعىپ, نايزاعاي كەزىندە ەكپىنى 15-20 م/س قۇرايدى.
كۇندىز ماڭعىستاۋ وبلىسىنىڭ باتىسىندا, شىعىسىندا, وڭتۇستىگىندە شاڭدى داۋىل تۇرادى.
نۇر-سۇلتان قالاسىندا وڭتۇستىك-شىعىستان, شىعىستان جەل سوعادى, كۇشى 15-20 م/س دەيىن جەتەدى.
تۇندە جانە تاڭەرتەڭ قىزىلوردا وبلىسىنىڭ ورتالىعىندا, وڭتۇستىگىندە نايزاعاي, داۋىل بولادى.
اقمولا وبلىسىندا وڭتۇستىك-شىعىستان جەل سوعادى. ءوڭىردىڭ سولتۇستىگىندە, شىعىسىندا ەكپىنى 23-28 م/س ارتادى.
قوستاناي وبلىسىنىڭ وڭتۇستىگىندە نايزاعاي بولىپ, شىعىستان جەل سوعادى, ءوڭىردىڭ وڭتۇستىگىندە, شىعىسىندا كۇشى 15-20 م/س جەتەدى.
كۇندىز پاۆلودار وبلىسىنىڭ ورتالىعىندا جەل سوعادى, ەكپىنى 15-20 م/س ارتادى دەپ كۇتىلەدى.
تۇندە سولتۇستىك قازاقستان وبلىسىنىڭ وڭتۇستىك-باتىسىندا جەل سوعادى, كۇشى 25 م/س ارتۋى ىقتيمال.
قاراعاندى وبلىسىنىڭ باتىسىندا, وڭتۇستىگىندە نايزاعاي كۇتىلەدى. شىعىستان جەل سوعادى, ونىڭ ەكپىنى 25 م/س دەيىن كۇشەيەدى.
جامبىل وبلىسىنىڭ شىعىسىندا, تاۋلى اۋداندارىندا قاتتى جاڭبىر كۇتىلەدى. 12-14 ساۋىردە وبلىستىڭ وڭتۇستىك-باتىسىندا, سولتۇستىك-شىعىسىندا, تاۋلى اۋداندارىندا نايزاعاي بولجانادى.