تۇركىستان وبلىسىندا قويمادان 10 ميلليون تەڭگەنىڭ تاۋارىن ۇرلاعان كۇدىكتى ۇستالدى. ول قازىعۇرت اۋدانىنىڭ تۇرعىنى بولىپ شىقتى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, سايرام اۋداندىق پوليتسيا بولىمىنە كيىم-كەشەك وندىرۋمەن اينالىساتىن جەكە كاسىپكەردەن ارىز تۇسكەن.
«ەر ادام باتىس ەۋروپا–باتىس قىتاي تاس جولىنىڭ بويىندا ورنالاسقان كيىم قويماسىنان تاۋاردىڭ ءبىر بولىگى جوعالىپ كەتكەنىن ءتۇسىندىردى. جابىرلەنۋشىگە كەلتىرىلگەن شىعىننىڭ جالپى سوماسى شامامەن – 10 ميلليون تەڭگە», دەدى تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى.
پوليتسيا بۇل فاكتىنى سوتقا دەيىنگى تەرگەۋلەردىڭ بىرىڭعاي تىزىلىمىنە قر قىلمىستىق كودەكسiنىڭ 188-بابى بويىنشا تىركەدى.
«جەدەل ۋاكىلدەر قويماعا بارعاندا جول بويىنان ەر ادامدى ۇستادى. ول ۇرلانعان تاۋاردى كولىككە تيەپ, قاشىپ كەتپەكشى بولعان. قازىعۇرت اۋدانىنىڭ تۇرعىنى, جابىرلەنۋشىنىڭ جۇك كولىگىن ايداعان قىزمەتكەرى ەكەنى انىقتالدى», دەپ قوسى ءباسپاسوز قىزمەتى.
كۇدىكتى سايرام اۋدانىندا جۇمىس ىستەپ ءجۇرىپ, بۇرىن ءۇش رەت باسقا ادامنىڭ مۇلكىن ۇرلاعان.
ء«بىرىنشى جاعدايدا ول جارىقتىڭ جوقتىعىنان بەينەباقىلاۋ كامەرالارىنىڭ ءوشىپ قالعانىن پايدالانىپ, ەكى قاپ كيىم-كەشەك ۇرلاپ كەتكەن. كەيىن ەر ادام ۇرلانعان مۇلكىن شىمكەنتتە ساتىپ جىبەرگەن. كەيىنگى ەكى جاعدايدا قىلمىسكەر بەينەباقىلاۋ كامەراسىن ءوشىرىپ, «وڭاي اقشا» تابۋ ءۇشىن م ۇلىكتەردى ۇرلاعان. كۇدىكتى ۇرلانعان كيىمدەردى 3 ميلليون تەڭگەگە ساتىپ, اقشانى ءوز قاجەتىنە جۇمساعان», دەپ مالىمدەدى تۇركىستان وبلىسى پوليتسيا دەپارتامەنتى.
قازىر كۇدىكتىگە قاتىستى «بوتەننىڭ مۇلكىن ۇرلاۋ» بابى بويىنشا سوتقا دەيىنگى تەرگەۋ امالى جۇرگىزىلىپ جاتىر. تەرگەۋ بارىسىندا ەر ادامنىڭ وسىعان ۇقساس باسقا دا قىلمىستارعا قاتىسى بار ەكەنى انىقتالعان.