تالدىقورعاندا ەر ادام قاراتال وزەنىن كولىگىمەن كەسىپ وتپەك بولىپ, سۋعا كەتە جازدادى, دەپ حابارلايدى Egemen.kz الماتى وبلىسى تجد ءباسپاسوز قىزمەتىنە سىلتەمە جاساپ.
«9 ءساۋىر كۇنى تۇنگى ساعات 00:42-دە الماتى وبلىسى تجد-گە تالدىقورعان قالاسىندا 1989 جىلى تۋعان ەر ادام Mitsubishi Pajero ماركالى اۆتوكولىگىمەن قاراتال وزەنىن كەشىپ وتپەك بولعان ەر كىسى كولىگىمەن وزەننىڭ قاق ورتاسىندا تۇرىپ قالعانى تۋرالى حابارلاما كەلىپ ءتۇستى» دەلىنگەن حابارلامادا.
الماتى وبلىسى تجد جەدەل-قۇتقارۋ جاساعىنىڭ قۇتقارۋشىلارى شاقىرتۋ ورنىنا كەلگەن بويدا كولىكتىڭ قاراتال وزەنىنىڭ ورتاسىندا,1,5 - 2 مەتر تەرەڭدىكتە تۇرىپ قالعانىن, جۇرگىزۋشىسى كولىكتىڭ توبەسىنە شىعىپ العانىن انىقتاعان.
قۇتقارۋشىلار قۇتقارۋ ارقانىنىڭ جانە قۇتقارۋ كەۋدەشەنىڭ كومەگىمەن ەر ادامدى جاعاعا امان-ەسەن جەتكىزدى. مەديتسينالىق كومەك قاجەت بولمادى.