دەنساۋلىق ساقتاۋ ءمينيسترىنىڭ بۇيرىعىمەن ء«بىلىم بەرۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتارعا» وزگەرىستەر مەن تولىقتىرۋلار ەنگىزىلدى, دەپ حابارلايدى Egemen.kz.
اتاپ ايتقاندا, وبەكتىلەردىڭ اۋماعىندا ءبىلىم بەرۋ پروتسەسىمەن فۋنكتسيونالدىق بايلانىسى جوق عيماراتتار مەن قۇرىلىستاردى ورنالاستىرۋعا جول بەرىلمەيدى.
سونداي-اق وزگەرىستەر ءبىلىم بەرۋ ۇيىمىن ىستىق سۋمەن جابدىقتاۋعا, جىلى سانيتارلىق توراپتاردى جابدىقتاۋعا دا قاتىستى.
«ورتالىقتاندىرىلعان ىستىق سۋمەن جابدىقتاۋ جۇيەسى بولماعان جاعدايدا سۋ جىلىتقىشتار ورناتىلادى. ىستىق جانە سۋىق سۋ بارلىق ۆاننالارعا, سەبەزگى بولمەلەرىنە, كىر جۋاتىن ورىندارعا, قول جۋعىشتارعا, ونىڭ ىشىندە سانيتاريالىق توراپتاردا, تاماقتانۋ زالدارىندا, مەديتسينالىق ماقساتتاعى ءۇي-جايلاردا, سونداي-اق اس بلوگىنداعى ارالاستىرعىشتار ورناتىلعان تەحنولوگيالىق جابدىقتارعا جۇرگىزىلەدى. سۋمەن جىلىتۋ جۇيەسىندەگى ىستىق سۋدى تەحنولوگيالىق جانە شارۋاشىلىق-تۇرمىستىق ماقساتتار ءۇشىن پايدالانۋعا جول بەرىلمەيدى», دەلىنگەن قۇجاتتا.
بۇل رەتتە, جوبالانعان, سالىنىپ جاتقان جانە رەكونسترۋكتسيالانىپ جاتقان ءبىلىم بەرۋ وبەكتىلەرىندە كارىزدەندىرىلمەگەن جانە ءىشىنارا كارىزدەندىرىلگەن جەردە سانيتاريالىق توراپتار, ونىڭ ىشىندە جىلى سانيتاريالىق توراپتار وبەكتىلەر عيماراتىندا ورنالاسۋى ءتيىس.
بۇيرىق 2022 جىلعى 6 ماۋسىمنان باستاپ قولدانىسقا ەنگىزىلەدى.