بىرىككەن ۇلتتار ۇيىمىنىڭ ادام قۇقىقتارى جونىندەگى جوعارعى كوميسسارىنىڭ كەڭسەسى ۋكرايناداعى جاعدايعا قاتىستى جاڭا ارالىق مالىمەتتى جاريالادى, دەپ حابارلايدى Egemen.kz ادام قۇقىقتارى جونىندەگى جوعارعى كوميسسار باسقارماسى سايتىنا سىلتەمە جاساپ.
ادام قۇقىقتارى جونىندەگى جوعارعى كوميسسار باسقارماسى مالىمەتىنشە, 5 ءساۋىر ساعات تۇنگى 12:00-دەگى جاعداي بويىنشا 3 776 بەيبىت تۇرعىن زارداپ شەككەن - 1 563 ادام قازا تاۋىپ, 2 213 ادام جارالانعان.
قازا تاپقاندار ىشىندە - 379 ەر ادام, 237 ايەل, 24 قىز جانە 43 ۇل بالا. سونداي-اق, 63 بالا مەن 817 ەرەسەك ادام قازا بولعان, ولاردىڭ جىنىسى ءالى انىقتالماعان.254 ەر ادام, 196 ايەل, 44 قىز جانە 40 ۇل, سونداي-اق جىنىسى ءالى بەلگىسىز 104 بالا مەن 1575 ەرەسەك ادام جارالانعان.
قازا بولعاندار مەن جارالانعانداردىڭ كوپشىلىگى وق-دارىلەر مەن جارىلعىش زاتتار, سونىڭ ىشىندە اۋىر ارتيللەريا مەن زىمىران شابۋىلى, سونداي-اق اۋە سوققىلارى سالدارىنان زارداپ شەككەنى ايتىلعان.
بۇل ستاتيستيكا قۇجاتقا تىركەلگەن قۇرباندارعا عانا قاتىستى. ادام قۇقىقتارى جونىندەگى جوعارعى كوميسسار باسقارماسى ناقتى كورسەتكىشتەر الدەقايدا جوعارى دەپ سانايدى, ويتكەنى كەيبىر جەردەن تۇسكەن حابارلامالار كەشىگىپ, كوبى ءالى دە راستالماعان.