مەملەكەت باسشىسى قاسىم-جومارت توقاەۆتىڭ وكىمىمەن اتىراۋ وبلىسىنىڭ جاڭا اكىمى تاعايىندالدى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
«سەرىك جامبىل ۇلى شاپكەنوۆ اتىراۋ وبلىسىنىڭ اكىمى بولىپ تاعايىندالسىن, ول قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنان بوساتىلسىن», دەلىنگەن قۇجاتتا.
سەرىك شاپكەنوۆ 2021 جىلى قاڭتاردا ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالعان ەدى.
سەرىك شاپكەنوۆ 1979 جىلى باتىس قازاقستان وبلىسى قاراتوبە اۋىلىندا تۋعان. باتىس قازاقستان مەملەكەتتىك ۋنيۆەرسيتەتىن ەكونوميست-ماتەماتيك ماماندىعى بويىنشا بىتىرگەن.ەڭبەك جولىن 2000 جىلى باتىس قازاقستان مەملەكەتتىك ۋنيۆەرسيتەتىندە وقىتۋشى بولىپ باستادى. ءتۇرلى جىلدارى باتىس قازاقستان وبلىسى اكىمىنىڭ اپپاراتى قۇرىلىمىندا جۇمىس ىستەدى.
2012-2015 جىلدارى باتىس قازاقستان وبلىسى اكىمىنىڭ ءبىرىنشى ورىنباسارى بولدى.
2015-2016 جىلدارى - قر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى, 2016-2018 جىلدارى اتىراۋ قالاسى اكىمىنىڭ قىزمەتىن اتقارعان.