“شالقاردى” شالقىتپايتىن نەسى بار؟

ءساۋىر ايىندا ءماجىلىس دەپۋتاتى زەينوللا ال­شىمباەۆ قازاقستان رەس­پۋبلي­كاسىنىڭ بايلانىس جانە اقپارات ءمينيسترى اسقار جۇماعاليەۆتىڭ اتىنا ساۋال جولداپ, 40 جىلدان استام ۋاقىت بويى قازاق­ستاننىڭ بارلىق وڭىرىنە عانا ەمەس, رەسەي, قىتاي, موڭعوليا, وزبەك­ستان, قىر­عىزستان, اۋعان­ستان ەل­دەرىندە تۇراتىن قانداس­تارىمىزعا دا حابار تارا­تىپ, قازاقتىڭ ءان-جىرىنا بولەپ كەلگەن “شالقار” راديوسى قازىر 18 ساعات بويى حابار تاراتقانىمەن, ەلىمىز­دىڭ ءوز اۋماعىنىڭ 61,3 پايىزىن عانا قامتيتىنىنا وكىنىش بىلدىرگەن بولاتىن. ءوز ساۋا­لىندا ول ناقتى ۇسىنىستار جاساپ, “شال­قار­دىڭ” ۋاقىتىن 24 سا­عاتقا جەتكىزۋدى جانە ونى باياعى كۇشىنە ەنگىزىپ, اتال­مىش ەلدەر اۋماقتارىنا دا تاراتۋ قاجەتتىلىگىن ايتقان ەدى. وسى ساۋالعا ا.سمايىل, گ.سەيىت­ماعانبەتوۆا, ب.ءتى­لەۋ­حان, ا.مومىشەۆ سەكىلدى دەپۋتاتتار دا قول قويىپ, ۇسىنىستى قولداعان. جۋىردا بايلانىس جانە اقپارات ءمينيسترى ا.جۇما­عاليەۆتىڭ اتىنان دەپۋتات-تارعا جاۋاپ كەلىپتى. وندا مينيس­ترلىك بۇل ماسەلەنىڭ كوتەرىل­گەنى ورىندى دەپ سانايتىنىن جەتكىزە كەلىپ, “شالقار” راديوسىنىڭ الداعى ۋاقىتتا رەسپۋبليكا كولەمىنە تولىق تاراتىلۋى جونىندە “قاز-تەلەراديو” اق-قا ارنايى تاپسىرما بەرىلگەندىگى اي­تىلىپتى. سونىمەن بىرگە, ونىڭ حا­بارلارىن وڭتۇستىك-شىعىس ازيا ەلدەرىنە قىسقا تول­قىندى جيىلىكتە تاراتۋدىڭ تەحنيكالىق مۇمكىندىگى بول­عانىمەن, ماسەلەنى شەشۋ قارجىعا تىرەلەتىندىگى كول­دەنەڭ تارتىلعان. ءسوي­تىپ, “شالقار” ءالى دە تولىق كۇ­شىندە شالقي المايدى ەكەن. جاقسىباي سامرات.