اڭگىمە بارىسىندا پرەزيدەنتتەر قازاق-قىرعىز ستراتەگيالىق ارىپتەستىگىنىڭ دامۋ پەرسپەكتيۆالارىن تالقىلادى, دەپ حابارلايدى Egemen.kz اقورداعا سىلتەمە جاساپ.
پرەزيدەنتتەر ساۋدا-ەكونوميكالىق ىنتىماقتاستىق پەن حالىقارالىق ارەناداعى ءوزارا ءىس-قيمىلدى نىعايتۋعا باسا نازار اۋداردى.
مەملەكەت باسشىسى بيىلعى مامىر ايىندا قىرعىزستانعا جاسايتىن مەملەكەتتىك ساپارى ەكى ەل اراسىنداعى ستراتەگيالىق ارىپتەستىككە ءسوزسىز تىڭ سەرپىن بەرەتىنىن اتاپ ءوتتى.
قاسىم-جومارت توقاەۆ سادىر جاپاروۆتى قۇمتور التىن كەن ورنىنىڭ مارتەبەسى تۋرالى كەلىسسوزدەردىڭ ءساتتى اياقتالۋىمەن قۇتتىقتادى.
بۇدان بولەك پرەزيدەنتتەر ءبىرىن-ءبىرى قاسيەتتى رامازان ايىنىڭ باستالۋىمەن قۇتتىقتادى.