ماجىلىستە قر دەنساۋلىق ساقتاۋ ءمينيسترى اجار عينيات ۋكراينادان ءدارى-دارمەك جەتكىزۋدىڭ قيىندىعى تۋرالى ءسوز قوزعادى. ەندى دەنساۋلىق ساقتاۋ مينيسترلىگى بۇرىن جاسالعان شارتتاردى بىرجاقتى تارتىپپەن بۇزىپ, قالعان كولەمدەرگە قوسىمشا كونكۋرستار وتكىزەدى, دەپ حابارلايدى Egemen.kz.
ماسەلەنى قر پارلامەنتى ءماجىلىسىنىڭ دەپۋتاتى زارينا كاماسوۆا كوتەردى. ول دەنساۋلىق ساقتاۋ مينيسترلىگى پاتسيەنتتەردى ءدارى-دارمەكپەن ۇزدىكسىز قامتاماسىز ەتۋدى قالاي جوسپارلاپ وتىرعانىن سۇرادى.
«گەوساياسي جاعداي وتە كۇردەلى, بىراق ءدارى-دارمەكتەردىڭ 94%-ى ساتىپ الىندى. بۇگىنگى كۇنى دارىلىك پرەپاراتتاردىڭ بارلىق كولەمىنىڭ 50%-ى «سك-فارماتسيا» قويمالارى مەن حابتارىنا جەتكىزىلدى, ماۋسىم ايىنىڭ سوڭىنا دەيىن پاتسيەنتتەردى ەمدەۋگە ارنالعان دارىلىك پرەپاراتتار جەتكىلىكتى. ۋكراينا جايلى ايتاتىن بولساق, دارىلىك پرەپاراتتاردىڭ 1,6%-ى ۋكراينادان جەتكىزىلگەن. جىل باسىندا ۋكراينادان كەلگەن جەتكىزۋشىلەر بىزگە وسى كولەمنىڭ 40%-دان 70%-نا دەيىن ءدارى-دارمەك بەردى. بۇگىنگى تاڭدا زاۋىتتار جابىلدى, ءبىز قازىر بىرجاقتى تارتىپتە كەلىسىمشارتتاردى بۇزىپ, قالعان كولەمدە كونكۋرستار وتكىزەمىز», دەدى قر دەنساۋلىق ساقتاۋ ءمينيسترى اجار عينيات.
سونداي-اق, دسم باسشىسى ۆەدومستۆو قازىر دارىلىك پرەپاراتتاردىڭ شەكتى باعالارىن يندەكستەۋدى قايتا قاراپ جاتقانىن حابارلادى.