قازاقستان پرەزيدەنتى قاسىم-جومارت توقاەۆتىڭ كەزەكتى جولداۋى ەل حالقىنىڭ دا, الەمدىك قوعامداستىقتىڭ دا كوڭىلىنەن شىقتى دەپ پايىمدايمىن. جىلدىڭ باستى قۇجاتىن دەر كەزىندە جاريالاۋ ارقىلى پرەزيدەنت ءوزىنىڭ ۇستانعان باعىتىن ءدال ۋاقىتىندا ايقىنداپ بەردى. وسىلايشا, ول وزەكتى ماسەلەلەردى نازاردا ۇستاپ وتىرعانىن اڭعارتتى.
ناقتىلاپ ايتار بولسام, ونىڭ «ساياساتتاعى مونوپوليا ءتۇرلى الەۋمەت كەسەلدى تۋىنداتاتىنى جانە مەملەكەتتى داعدارىسقا ۇشىراتاتىنى انىق», دەگەن پىكىرىمەن تولىق كەلىسەمىن. قاسىم-جومارت توقاەۆ وسى ءسوزدى ايتۋ ارقىلى ەلدەگى جاعدايلاردى رەتتەۋگە دەگەن شىن نيەتىن اڭعارتتى.
ساياساتكەر رەتىندە «سۋپەرپرەزيدەنتتىكتەن» باس تارتۋ جانە تۋىستارى ءۇشىن زاڭنامالىق دەڭگەيدە كۆازيمەملەكەتتىك سەكتورداعى جوعارى مەملەكەتتىك لاۋازىمدار مەن باسشىلىق لاۋازىمداردى اتقارۋعا تىيىم سالۋى جوعارى باسشىلىقتىڭ ادالدىعى مەن اشىقتىعىنىڭ جارقىن مىسالى بولاتىنىن اتاپ وتكىم كەلەدى.
سونىمەن قاتار مەملەكەت باسشىسىنىڭ وبلىستاردىڭ اكىمدەرى مەن ولاردىڭ ورىنباسارلارىنا ءوز وكىلەتتىكتەرى كەزەڭىندە اسەر ەتەتىن بيلەۋشى پارتياعا مۇشەلىگىن توقتاتۋ تۋرالى ۇسىنىسى وتە دۇرىس شەشىم بولدى دەپ ەسەپتەيمىن.
داۆيد چيچينادزە,
گرۋزيا پارلامەنتىنىڭ دەپۋتاتى,
«تريبۋنا» پارتياسىنىڭ جەتەكشىسى