ايبەك قوسۋاقوۆ ماڭعىستاۋ وبلىسى جاڭاوزەن قالاسىنىڭ اكىمى بولىپ تاعايىندالدى, دەپ حابارلايدى Egemen.kz.
«ماڭعىستاۋ وبلىسىنىڭ اكىمى نۇرلان نوعاەۆ جاڭاوزەن قالالىق ءماسليحاتىنىڭ دەپۋتاتتارىنا باسقا جۇمىسقا اۋىسقان ماقسات يباعاروۆتىڭ ورنىنا جاڭا اكىمنىڭ كانديداتۋراسىن ۇسىندى. پرەزيدەنت اكىمشىلىگىمەن كەلىسىلگەن جاڭا كانديدات ايبەك قوسۋاقوۆ بولدى», دەلىنگەن وبلىس اكىمدىگىنىڭ ءباسپاسوز قىزمەتى تاراتقان حابارلامادا.
دەپۋتاتتار ماڭعىستاۋ وبلىسىنىڭ اكىمى ۇسىنعان كانديداتۋرانى قولداپ, جاڭا اكىمنىڭ جۇمىسىنا ساتتىلىك تىلەدى.
ايبەك قوسۋاقوۆ ش.ەسەنوۆ اتىنداعى كاسپي مەملەكەتتىك ۋنيۆەرسيتەتىن «مۇناي جانە گاز ۇڭعىمالارىن بۇرعىلاۋ» جانە قوناەۆ اتىنداعى كولىك جانە قۇقىق ۋنيۆەرسيتەتىن «ەكونوميست» ماماندىعى بويىنشا تامامداعان.
ەڭبەك جولىن 1997 جىلى «قاراجانباسمۇناي» كومپانياسىندا وپەراتور رەتىندە باستاعان.
2001 جىلدان 2004 جىلعا دەيىن جەكە كاسىپكەرلىكپەن اينالىستى.
2004 جىلدان 2006 جىلعا دەيىن «جازىق» اق اتقارۋشى ديرەكتورى بولدى.
2007 جىلدان 2020 جىلعا دەيىن «تاۋشىق اۋىل شارۋاشىلىعى» كومپانياسىنىڭ باسقارما توراعاسى بولىپ جۇمىس ىستەدى.
2020 جىلدىڭ قاڭتار ايىنان قازىرگى ۋاقىتقا دەيىن ماڭعىستاۋ وبلىسى تۇپقاراعان اۋدانىنىڭ اكىمى بولعان.
دەپۋتاتتار ماڭعىستاۋ وبلىسىنىڭ اكىمى ۇسىنعان كانديداتۋرانى قولداپ, جاڭا اكىمنىڭ جۇمىسىنا ساتتىلىك تىلەدى.
نۇرلان نوعاەۆ ءوز كەزەگىندە جاڭا اكىمگە جاڭاوزەننىڭ الەۋمەتتىك-ەكونوميكالىق دامۋىنا قاتىستى بىرقاتار ناقتى تاپسىرمالار جۇكتەدى.