جاراتىلىستىڭ تىلسىمىندا شەك جوق قوي. اتىراۋدا تۇراتىن نايليا وتەپبەرگەنوۆانىڭ قاسى مەن كىرپىگى, شاشى دا اقشىل تۇسكە «بويالعان». بۇل – ونىڭ تابيعي ءتۇسى.
وسىنداي ەرەكشەلىگىمەن ومىرگە كەلگەن نايليانىڭ جاسى – ۇشتە. بىراق قاتارلاستارىنان ەرەكشەلەنىپ تۇراتىن تۇسى كوپ. ارمانى – دارىگەر بولۋ. اناسى تاڭسۇلۋ تەمىراليەۆانىڭ ايتۋىنا قاراعاندا, قىزىنىڭ ەستە ساقتاۋ قابىلەتى جاقسى دامىعان. ولەڭ-جىر جولدارىن تەز جاتتايدى. ارىپتەر مەن سانداردى جاتقا ايتادى.
– نايليا ادەمىلىكتى, سۇلۋلىقتى ۇناتادى. سۋرەتكە تۇسكەندى, سۋرەت سالعاندى, الايدا شاشىن وزگە ادامنىڭ ۇستاعانىن قالامايدى. سوعان قاراماستان, ەلىمىزدەگى ءسان ۇيلەرىنەن, جۋرنالداردىڭ رەداكتسياسىنان شاقىرتۋ جيىلەي باستادى. جاقىندا ءۇش جاستاعى قىزدار اراسىندا وتكەن بايقاۋعا قاتىستى. بۇل بايقاۋدا
8 160 قىزدىڭ اراسىنان ءبىرىنشى جۇلدەنى يەلەنىپ, «قازاقستاننىڭ ەڭ سۇلۋ قىزى» اتاندى, – دەيدى تاڭسۇلۋ تەمىراليەۆا.
اتىراۋ وبلىسى