پەتروپاۆلدا بيىل اۋكتسيوندار ارقىلى 60 جەر تەلىمىن كوممەرتسيالىق ماقساتتا ساتۋعا نيەتتى, دەپ حابارلايدى Egemen.kz.
قالالىق اكىمدىكتىڭ ءباسپاسوز قىزمەتىنىڭ مالىمەتىنشە, اۋكتسيوندار توقسانىنا ءبىر رەت وتكىزىلەدى.
«4 ساۋىردە اپپاراتتىق كەڭەستە مەملەكەتتىك مەنشىكتەگى جەر ۋچاسكەلەرىن نەمەسە جەر ۋچاسكەلەرىن جالداۋ قۇقىعىن ساۋدا-ساتتىق, كونكۋرستار, اۋكتسيوندار ارقىلى بەرۋ مەحانيزمى تالقىلاندى. وتكەن جىلى مەملەكەتتىك م ۇلىك ءتىزىلىمىنىڭ ۆەب-پورتالىندا gosreestr.kz ساتىپ الۋ قۇقىعىن ساتۋ, بەس جىل مەرزىمگە جالعا بەرۋ بويىنشا ءۇش اۋكتسيون وتكىزدىك. وتكەن جىلى بارلىعى 43 لوت ساۋدا-ساتتىققا شىعارىلدى, ونىڭ ىشىندە 26 لوت ساتىلدى. ساتىپ الۋشىنىڭ الۋ-ساتۋ شارتى بويىنشا مىندەتتەمەلەرىن ورىنداماۋىنا بايلانىستى ءتورت لوت جويىلدى», دەپ حابارلادى ءباسپاسوز قىزمەتى.
بۇعان دەيىن پەتروپاۆل قالاسىنىڭ اكىمى بولات جۇمابەكوۆ قالادا پايدالانىلماي جاتقان جەر تەلىمدەرىن تەكسەرۋ جۇمىسىن جالعاستىرىپ جاتقانىن مالىمدەگەن بولاتىن.