بۇعان دەيىن مەملەكەت باسشىسى قاسىم-جومارت توقاەۆ تسيفرلىق دامۋ, يننوۆاتسيالار جانە اەروعارىش ءمينيسترى باعدات مۋسينگە ءتيىمسىز پايدالانىلىپ جاتقان راديوجيىلىكتەردى بوساتىپ, ونى ءبولۋدىڭ اشىق مەحانيزمىن ەنگىزۋگە تاپسىرما بەرگەن بولاتىن.
راديوجيىلىك سپەكترى ء(ارى قاراي – رجس) – شەكتەۋلى رەسۋرس, ەگەر راديوجيىلىك ءبىر جىل بويى ءتيىمسىز نەمەسە ماقساتسىز پايدالانىلسا, ءتسدياوم وكىلەتتى مەكەمە رەتىندە رجس-عا بەرىلگەن رۇقساتتى الىپ قويۋعا قۇقىلى. بوساتىلعان راديوجيىلىك رەسۋرس حالىققا ساپالى بايلانىس قىزمەت كورسەتۋگە جۇمسالۋ ءۇشىن باسقا تەحنولوگيالارعا نەمەسە باسقا وپەراتورلارعا بەرىلەدى.
2021 جىلى سوتتىڭ شەشىمىمەن راديوجيىلىكتى پايدالانۋعا بەرىلگەن 8 رۇقسات كەرى قايتارىلدى. بۇل رۇقساتتار 2016 جىلى الىنعان بولاتىن, الايدا 6 جىل بويى ءتيىمسىز پايدالانىلعان.
قازىرگى زاڭناماعا سايكەس WLL (سىمسىز ابونەنتتىك قولجەتىمدىلىك) بايلانىس تۇرىنە رۇقسات ەلدى-مەكەنگە رەسىمدەلەدى. قالا اۋماعىن تولىقتاي ساپالى ينتەرنەتپەن قامتاماسىز ەتۋ ءۇشىن جەلىنى بىرنەشە بازالىق ستانسامەن قۇرۋ قاجەت, الايدا قۇرىلىستاردىڭ تىعىزدىعى بۇعان كەدەرگى بوپ تۇر, ونىڭ ۇستىنە جەلىنى بۇلايشا سالۋ وپەراتورلارعا كوممەرتسيالىق تۇرعىدا ءتيىمسىز بولۋى مۇمكىن.
كەيبىر ءىرى بايلانىس وپەراتورلارى جيىلىكتەردى بولاشاقتا پايدالانۋ ءۇشىن رەزەرۆكە قويادى, ياعني ازىرشە پايدالانبايدى نەمەسە ءبىر-ەكى بازالىق ستانسالاردا عانا پايدالانىپ, جەلىنى ءارى قاراي دامىتپايدى. مۇنداي جاعدايدا باسقالاردىڭ بايلانىس قىزمەتىن ۇسىنۋ مۇمكىندىگى شەكتەلەدى.
قازىرگى ۋاقىتتا ءىرى قالالاردا WLL بايلانىس جەلىسىندە رجم-ءتى ءتيىمسىز پايدالانۋ جاعدايى بەلەڭ الىپ, راديوجيىلىك رەسۋرسى شەكتەلگەندىكتەن, وزىق تەحنولوگيالاردىڭ دامۋ ءۇردىسى توقىراپ تۇر. بۇل رەتتە, ايتا كەتۋ كەرەك, WLL تەحنولوگيالارىنا ارنالعان جيىلىك دياپازوندارىندا جاڭا تەحنولوگيالار, سونىڭ ىشىندە 5G جەلىسى دە قارقىندى تۇردە دامىپ جاتىر.