پارلامەنت ءماجىلىسىنىڭ توراعاسى «جاڭا قازاقستان: جاڭارۋ مەن جاڭعىرۋ جولى» اتتى جولداۋىنىڭ نەگىزگى باعىتتارىن زاڭنامالىق تۇرعىدان قامتاماسىز ەتۋ جونىندەگى تومەنگى پالاتانىڭ اتقارىپ جاتقان جۇمىستارى تۋرالى باياندادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
ەكىنشى سەسسيا باستالعالى بەرى ءماجىلىس دەپۋتاتتارىنىڭ قاراۋىنا 96 زاڭ جوباسى ءتۇستى. ونىڭ 53-ءى ماقۇلدانىپ, سەناتقا جولدانعان.
ءماجىلىس توراعاسى پرەزيدەنتكە پارلامەنتتىڭ تومەنگى پالاتاسى جۇمىسىنىڭ جاڭا فورماتتارى تۋرالى ايتىپ بەردى.
ونىڭ ايتۋىنشا, دەپۋتاتتار ەندى ءوز جۇمىستارىندا اشىقتىقتى ارتتىرۋعا, پارلامەنتتىك مادەنيەتتى نىعايتۋعا جانە حالىقپەن اراداعى ىقپالداستىقتى كۇشەيتۋگە باسا ءمان بەرەدى. قوعامداعى وتە ماڭىزدى ماسەلەلەر بويىنشا پارلامەنتتىك تىڭدالىمدار مەن باسقا دا ءىس-شارالار ءجيى وتكىزىلەدى.
پارلامەنتتىڭ تومەنگى پالاتاسىندا ازاماتتاردىڭ وتىنىشتەرى مەن تالاپ-تىلەكتەرىنە, سونىڭ ىشىندە دەپۋتاتتاردىڭ وڭىرلەرگە ساپارى بارىسىندا كوتەرىلگەن ماسەلەلەرگە قاتىستى جۇمىستىڭ جاڭا تەتىكتەرى ەنگىزىلەدى. ماجىلىسمەندەر جەرگىلىكتى جەرلەردە سايلاۋشىلارمەن تۇراقتى كەزدەسۋلەر وتكىزەدى.