جوعارعى سوتتىڭ توراعاسى جاقىپ اسانوۆ بەينەبايلانىس ارقىلى قاسىم-جومارت توقاەۆتىڭ 2022 جىلعى 26 ناۋرىزداعى جارلىعىمەن قاراعاندى وبلىستىق سوتىنىڭ توراعاسى بولىپ تاعايىندالعان ەردەن ءارىپوۆتى ۇجىمعا تانىستىردى, دەپ حابارلايدى Egemen.kz.
كەزدەسۋگە وبلىس اكىمى جەڭىس قاسىمبەك, وبلىستىق ءماسليحاتتىڭ حاتشىسى سەرىك وتەشوۆ, قۇقىق قورعاۋ ورگاندارىنىڭ باسشىلارى, القا توراعالارى, وبلىستىق سوتتىڭ سۋديالارى, اۋداندىق جانە وعان تەڭەستىرىلگەن سوتتاردىڭ توراعالارى, سوتتار اكىمشىسىنىڭ باسشىلىعى قاتىستى.
جوعارعى سوتتىڭ توراعاسى جاقىپ اسانوۆ وبلىستىق سوت توراعاسىن سوت كورپۋسىنا تانىستىرا وتىرىپ, ەردەن راۋان ۇلىنىڭ سۋديالىق قىزمەتتە كوپ جىلدىق تاجىريبەسى بار ەكەنىن, ونىڭ جوعارى كاسىبيلىگىن اتاپ ءوتتى.
وبلىس اكىمى جەڭىس قاسىمبەك بۇرىڭعى وبلىستىق سوتتىڭ توراعاسى نۇرسەرىك شارىپوۆكە وبلىستىڭ سوت جۇيەسى دامۋىنا ەلەۋلى ۇلەس قوسقانى ءۇشىن العىسىن ءبىلدىرىپ, جاڭادان تاعايىندالعان توراعا ەردەن ارىپوۆكە ساتتىلىك تىلەدى.
جيىن سوڭىندا جاقىپ اسانوۆ وڭىردەگى سۋديالار كورپۋسىنىڭ الدىنا سوت تورەلىگىن جۇزەگە اسىرۋ ساپاسىن جاقسارتۋ جانە سۋديالاردىڭ بىلىكتىلىگىن ارتتىرۋ بويىنشا بىرقاتار مىندەتتەر قويدى.
«ەردەن ءارىپوۆ 1963 جىلى الما-اتا وبلىسىنىڭ نارىنكول اۋدانىندا دۇنيەگە كەلگەن. 1986 جىلى قازاق مەملەكەتتىك ۋنيۆەرسيتەتىن بىتىرگەن, ماماندىعى بويىنشا زاڭگەر. وسى لاۋازىمعا دەيىن قازاقستان رەسپۋبليكاسىنىڭ جوعارى سوتىندا سۋديا قىزمەتىن اتقارعان», دەپ حابارلادى قاراعاندى وبلىستىق سوتىنىڭ ءباسپاسوز قىزمەتى.