ءباسپاسوزدى دە جاڭعىرتۋىمىز كەرەك

ەلىمىزدىڭ دامۋىنا اسا قاجەت ماڭىزدى ماسەلەلەردى جىكتەپ-جىكتەپ, تالداپ-تالداپ ايتا كەلىپ, ءسوزىنىڭ سوڭىن: «جاڭا قازاقستان – جاڭارۋ مەن جاڭعىرۋ جولى, بۇگىنگى بۋىننىڭ بولاشاق ۇرپاققا اماناتى. ەندەشە, جاڭا قازاقستاندى بىرگە وركەندەتەيىك, اعايىن!», دەپ ءبىر-اق اۋىز سوزبەن تۇيىندەدى. كوزى اشىق, كوكىرەگى وياۋ ازاماتتارعا وسىنىڭ ءوزى تۇسىنىكتى بولسا كەرەك.

قازاقستان ازاماتى رەتىندە سول جان-جاقتى جاڭارۋدىڭ قاتارىنا مەن ءباسپاسوزدى دە قوسقان بولار ەدىم. ويتكەنى مەملەكەت باسشىسىنىڭ بۇل جەردەگى «قازاقستان ساياسي جاڭعىرۋ باعىتىن جالعاستىرادى. بۇل مەنىڭ قاعيداتتى ۇستانىمىم» دەگەن سوزىنە وراي ايتپاق ويىم ەدى.

رەسپۋبليكا كولەمىندە شىعاتىن باسىلىمداردىڭ قاي-قايسىسىنىڭ بولسىن ورتاق مىندەتى, قۇرىلتايشىلىق سيپاتىنا قاراماستان, ول – وتانىمىزدىڭ تىنىشتىعى, ىنتىماعى مەن بىرلىگى باعىتىندا ۇگىت-ناسيحات جۇمىسىن جۇرگىزە وتىرىپ, مەملەكەت باسشىسىنىڭ تاپسىرمالارى بويىنشا جۇمىس اتقارۋ. ءباسپاسوز قوعامدىق پىكىر قالىپتاستىرۋشى بىردەن-ءبىر ۇتىمدى قۇرال رەتىندە قازاقستان حالقىن پرەزيدەنتىمىزدىڭ مانىڭا تىعىز توپتاستىرا تۇسۋگە ۇلەسىن قوسۋعا ءتيىس. سوندىقتان باسپاسوزگە جۇكتەلەتىن جاۋاپكەرشىلىك جۇگى, ارينە, جەڭىل ەمەس. ول – ءبىرىنشى كەزەكتە قوعام مەن بيلىكتىڭ اراسىنداعى التىن كوپىر. ناقتى ايتقاندا, بيلىكتىڭ كوزى مەن ءسوزى بولسا, ەكىنشى جاعىنان حالىقتىڭ ءۇنى. مىنە, وسى مىندەتتەردى شىن مانىندە جۇزەگە اسىرا بىلگەندە عانا ءبىز ايتىپ وتىرعان ءباسپاسوزدىڭ بەدەلى قاشاندا جوعارى بولماق.

ەندىگى جەردە قازاقستاندى تولىعىمەن رەفورمالاۋ بارىسىندا بۇقارالىق اقپارات قۇرالدارىنا دا جاڭا مىندەتتەر جۇكتەپ, ولاردىڭ جۇمىسىنا جاڭاشا باعىت-باعدار بەرەتىن مەزگىل جەتتى. «سىن تۇزەلمەي, ءمىن تۇزەلمەيدى» دەگەن ەمەس پە, ءباسپاسوز ايتپاعان سىندى حالىقتىڭ ءوزى-اق جايىپ سالادى. ەكىنشىدەن, جۋىردا ءباسپاسوز جانرىنىڭ تۇرلەرىن ايتىپ بەرە الماعان ء«جۋرناليستى» كورىپ, تاڭعالعانىم بار. دەمەك بۇگىنگى ءباسپاسوز كادرلارىنىڭ ءبىلىم-بىلىگىن دە قايتا قاراپ, مىقتى سۇزگىدەن وتكىزەتىن رەفورما قاجەت.

توقسان اۋىز ءسوزدىڭ توبىقتاي ءتۇيىنى, amanat پارتياسىن جان-جاقتى جەتىلدىرىپ, ماقسات-مىندەتتەرىن قايتا قاراپ, ونىڭ ءرولىن ارتتىرۋ كەرەك. سونداي-اق پارتيا مۇشەلەرىنىڭ اتقارىپ وتىرعان نەگىزگى مىندەتتەرىنە دەگەن جاۋاپكەرشىلىگىن كوتەرۋ, سونىمەن بىرگە جاستار تاربيەسىنە دە باسشىلىق جاساپ, ولاردى ءوز قامقورلىعىنا الىپ وتىرۋدى دا وسى پارتيانىڭ قولىنا بەرسەك, بۇل دا جاڭارا تۇسكەنىمىزدىڭ ءبىر بەلىگىسى بولار ەدى. ويتكەنى جاستار تاربيەسى بەلگىلى ءبىر قوعامدىق ۇيىمنىڭ باسشىلىق-باقىلاۋىندا بولعانى دۇرىس دەپ سانايمىن.

سەرىكباي تۇرجان,

قازاقستاننىڭ قۇرمەتتى ءجۋرناليسى

تۇركىستان وبلىسى,

بايدىبەك اۋدانى