سوڭعى مينۋتتا ەسەپتى تەڭەستىردى

تورەشى ىسقىرىعى ەستىلە سالا ەكى ەلدىڭ جاستار قۇراماسى الاڭدا بەلسەندى بولعانىمەن, ەسەپتى العاشقى بولىپ شوت­لانديالىق فۋتبولشىلار اشتى. ويىننىڭ 25-مينۋتتا ۇتىمدى ساتتەردىڭ بىرىندە روس گراحام مەر­گەندىك تانىتىپ, كومانداسىن العا شى­عاردى. ەكىنشى كەزەڭدە شوت­لان­ديالىق تاعى ءبىر ويىنشى توم كلەيتون ءوز قۇراماسىنىڭ با­سىم­دىعىن ارتتىرا ءتۇستى, ەسەپ – 2:0.

ال 71-مينۋتتا ەركەبۇلان سەي­داحمەت پەنالتيدەن ەسەپ ايىرماسىن قىسقارتسا, 95-مينۋتتا ابى­لايحان جۇمابەك تارازى باسىن تەڭەستىردى. وسى­لايشا, قازاقستان جاستارى شوت­لانديامەن 2:2 ەسەبىمەن تەڭ ءتۇسىپ, ىرىكتەۋ كەزە­­ڭىن­­دەگى العاشقى ۇپايىنا قول جەت­كىزدى.

ايتا كەتسەك, ىرىكتەۋ تۋرني­رىندە قازاقستان جاستار قۇراماسى I توبىندا بەلگيا, دانيا, شوت­لانديا جانە تۇركيامەن سىن­عا تۇسۋدە. ازىرگە التى ويىننان كەيىن ءبىر عانا ۇپايعا يە بولدى.

تۋرنير كەستەسىندە كوش سو­ڭىن­دا تۇرعان ەلىمىزدىڭ جاستار قۇراماسى 4 ساۋىردە سىرت الاڭدا دانيامەن شەبەرلىك بايقاسسا, 10 ماۋسىمدا تاعى دا سىرت الاڭدا تۇركيامەن كەزدەسەدى.

ەسكە سالساق, بۇدان بۇرىن قازاق­ستان جاستارى قىرعىزستان وليمپيادالىق قۇراماسىنان 2:0 ەسەبىمەن باسىم تۇسكەن ەدى.