«قازاۆتوجول» ۇك» اق دەرەگى بويىنشا قاتتى بوراننان جولدىڭ كورىنبەۋى سەبەپتى اقمولا, اقتوبە, قاراعاندى, قوستاناي جانە پاۆلودار وبلىستارىنداعى اۆتوجولداردىڭ 45 ۋچاسكەسىندە (24 رەسپۋبليكالىق جانە 21 وبلىستىق ماڭىزى بار) جولدار جابىلدى, دەپ حابارلايدى Egemen.kz
تجم احۋالدىق ورتالىعىندا جەدەل دەن قويۋ جانە ۆەدومستۆوارالىق ءوزارا ءىس-قيمىلدى ۇيىمداستىرۋ ءۇشىن رەسپۋبليكالىق جەدەل شتاب قۇرىلدى.
شتاب رەسپۋبليكالىق ازاماتتىق قورعاۋ قىزمەتتەرىمەن تىعىز جۇمىس جۇرگىزۋدە. بىرقاتار وبلىستاردا دا وسىنداي شتابتار جۇمىس جاساپ تۇر.
ازاماتتاردىڭ توتەنشە جاعدايلار ماسەلەلەرى بويىنشا جۇگىنۋى ءۇشىن تجم جەدەل جەلىسى جۇمىس ىستەيدى 8 (7172) 53 32 84
بارلىق جابىق جول ۋچاسكەلەرىندە تجد, پد جانە جول قىزمەتى قىزمەتكەرلەرىنەن پوستتار قويىلدى. اۆتوموبيل جولدارىنا ء(دامحانا, قوناق ءۇي) جاقىن ورنالاسقان جىلىتۋ پۋنكتتەرى دايىندالىپ, ىسكە قوسىلدى.
الماتى قالاسىندا, الماتى, اقتوبە جانە قىزىلوردا وبلىستارىندا قاتتى داۋىلدىڭ سالدارىنان شاتىرلار مەن اعاشتار قۇلاۋعان, سونداي-اق ەلەكتر جارىعى وشكەن. زارداپ شەككەن جانە قايتىس بولعاندار تۋرالى اقپارات تۇسكەن جوق.