كاسىپكەرلىكتى قولداۋعا قوسىمشا قارجى بولىنەدى

بيىل اقپان ايىندا پايدالانۋعا بەرىلگەن «ىبىراي» جەل ەلەكتر ستانساسى ساعاتىنا 50 مۆت قۋات وندىرەدى. ماسەلەن, قوستاناي قالاسى جازدا ساعاتىنا 60 مۆت, قىستا 90 مۆت ەلەكتر قۋاتىن تۇتىنادى. ال جەلدەن توق الاتىن الىپ باعانالار وبلىس ورتالىعىن جازدا 90%, قىستا 60% ەلەكتر قۋاتىمەن قامتي الادى. وڭىردە ءبىر اۋدانعا ورتاشا ەسەپپەن ساعاتىنا 15 مۆت قاجەت ەكەنىن ەسكەرسەك, «ىبىرايدىڭ» قۋاتى 3 اۋداندى توقپەن قامتاماسىز ەتۋگە ەركىن جەتەدى. ستانسا باسقارۋشىسى المات يسەنباەۆتىڭ ايتۋىنشا, قازىر جاڭا جەل ەلەكتر ستانساسىندا 16 ادام تۇراقتى ەڭبەك ەتەدى. ماماندار جەل قوندىرعىلارىنىڭ جۇمىسىن ستانسا كەڭسەسىندەگى مونيتوردان باقىلاپ وتىرادى. كەڭسە عيماراتىندا ۆاحتالىق تارتىپپەن جۇمىس ىستەيتىن ماماندار تۇراتىن بولمەلەر جانە اسحانا بار.

قوستاناي اۋدانىنداعى جەل ەلەكتر ستان­ساسىنىڭ مۇمكىندىگىن حالىق شارۋا­شىلىعىنا پايدالانۋدىڭ ءتيىمدى جولدارىن قاراستىرۋ كەرەكتىگىن ايتقان مينيستر ودان كەيىن «اگروماشحولدينگ KZ» اق-عا قاراستى لوكاليزاتسيالىق ورتا­لىققا باردى.

وتكەن جىلى ىسكە قوسىلعان لوكالي­زا­تسيالىق ورتالىق مەتالل ءپىشۋ, يۋ, دانە­كەرلەۋ, بوياۋ جۇمىستارىن اتقارۋ­مەن قاتار, ماشينا جاساۋ سالاسىنا قاجەتتى پلاستيك كومپونەنتتەردى جاساپ شىعارادى. «اگروماشحولدينگ KZ» لوكاليزاتسيالىق ورتالىعى – ءوندىرىستىڭ وتاندىق ۇلەسىن ارتتىرۋ بو­يىن­شا ىسكە اسىرىلىپ جاتقان وڭىردەگى ەڭ العاشقى جوبا. 36 مىڭ شارشى مەتر اۋماققا ورنالاسقان زاۋىتتىڭ زاماناۋي قۇرىلعىلارمەن جابدىقتالعان امبەباپ شەبەرحانالارى, وقۋ ورتالىعى, اكىمشىلىك-تۇرمىستىق كەشەنى مەن زاۋىت جۇمىسشىلارىنا ارنالعان جاتاقحاناسى بار.

زاۋىت بىلتىر 406 «ەسىل» كومباينىن, 530 Lovol تراكتورىن قۇراستى­رىپ شى­عاردى. مۇنىڭ سىرتىندا, 600-گە جاقىن كومباين-تراكتورلارعا تىر­­كە­­لەتىن اسپالى قۇرىلعىلارعا ار­نال­عان 13 مىڭنان استام قوسالقى بول­شەك­تەر مەن اگرەگاتتار ءوندىردى. زاۋىت باس­شىلارىنىڭ سوزىنە سۇيەنسەك, كاسىپ­ورىنداعى لوكاليزاتسيا دەڭگەيى سوڭعى جىل ىشىندە 34 پايىزدان 43,3%-عا دەيىن جەتكەن. 

ۆەدومستۆو باسشىسى جەرگىلىكتى حالىق­پەن كەزدەسىپ, كوپشىلىكتىڭ جول جون­دەۋ, باس­پانا ساتىپ الۋ تۋرالى ساۋال­دارىنا جاۋاپ بەردى. بۇل كەزدەسۋگە اۋىل تۇرعىندارى ونلاين رەجىمدە قوسىلدى.

– 2021 جىلدىڭ قورىتىندىسى بويىن­شا ەل ەكونوميكاسىندا 4% ءوسىم بار. ەكونوميكاداعى تۇراقتى ءوسىمدى قامتاماسىز ەتۋ ءۇشىن بىرقاتار ماڭىز­دى شارالار قابىلدادىق. جەكە بيزنەس­تەگى ءوندىرىستى ىنتالاندىرۋ ءۇشىن سالىق­تىق جەڭىلدىكتەر قاراستىرىلىپ وتىر. ماسەلەن, جۇمىسىن ەندى عانا باستا­عان كاسىپورىندار ءۇشىن قوسىمشا قۇن سا­لىعى 70%-عا تومەندەتىلدى. سونداي-اق الەۋمەتتىك كاسىپكەرلىك سۋبەكتىلەرىن قولداۋ ماقساتىندا م ۇلىك سالىعىنىڭ مولشەرىن تومەندەتتىك, – دەدى مينيستر.

بىرقاتار جەرگىلىكتى سەرىكتەستىك­تەردىڭ باسشىلارى مينيستردەن كاسىپكەرلىكتى دامىتۋ, نەسيەنى سۋبسيديالاۋ, سونداي-اق «بيزنەستىڭ جول كارتاسى – 2025» باعدارلاماسى اياسىندا ينفراقۇرىلىمدى دامىتۋ ماسەلەلەرى جونىندە سۇرادى. ولار «دامۋ» قورىنىڭ بانكتىك قارىزداردى سۋبسيديالاۋعا ءوتىنىم قابىلداۋدى توق­تاتقانىنا الاڭ­داۋلى. كاسىپكەرلەردىڭ ساۋالىن ناق­تى­لاپ وتكەن وبلىس اكىمى ارحيمەد مۇ­حام­­بەتوۆ بيىل ءوڭىر بيزنەستى دامىتۋ­عا بولىنگەن قارجىنىڭ سىرتىندا ۇلتتىق ەكونوميكا مينيسترلىگىنەن تاعى 2,670 ملرد تەڭگە سۇراپ وتىرعانىن ايتتى. ءا.قۋانتىروۆ كەزدەسۋگە قاتىسۋشىلارعا وڭىرلىك كاسىپكەرلىكتى قولداۋعا قولدا بار مۇمكىندىكتى اياپ قالمايتىنىن, وبلىسقا قاجەت قوسىمشا قارجىنى ءبولۋ تۋرالى ماسەلەنىڭ تاياۋ ارادا وڭ شەشىم تاباتىنىن ايتتى.

– مينيسترلىك 2021-2025 جىلدارعا ار­نال­عان كاسىپكەرلىكتى دامىتۋ جونىن­دەگى ۇلتتىق جوبانى ىسكە اسىرۋدا. اتال­­عان جوبا بويىنشا 3 ملرد تەڭگەگە دەيىن نەسيە العان كاسىپكەرلەرگە 6%-دىق جىلدىق مولشەرلەمەمەن سۋبسيديا بەرىلەدى. سونداي-اق كرەديتتەر بويىنشا 360 ملن تەڭگەگە دەيىن كەپىلدىك بەرىلەدى, – دەدى ءا.قۋانتىروۆ.

كەزدەسۋ بارىسىندا «ديپلوممەن – اۋىلعا» باعدارلاماسىنىڭ ىسكە اسىرىلۋ بارىسى تالقىلاندى. باعدارلاما بويىنشا بۇرىن اۋىلعا جۇمىس ىستەۋگە بارعان ءاربىر جاس مامانعا 300 مىڭ تەڭگە كوتەرمە اقى تولەنىپ كەلگەن. وبلىستا بىلتىردان بەرى بۇل سوما ەداۋىر ەسەلەنىپ, اسا ءزارۋ ماماندىقتار بويىنشا قالالىق مەكەندەرگە كەلگەن جاستار 3 ملن تەڭگە, اۋىلعا بارعان ماماندار 5 ملن تەڭگە كوتەرمە اقى الا باستادى. مۇنىڭ سىرتىندا, اۋىلعا جۇمىسقا ورنالاسقان جاس مامانعا باسپانا ساتىپ الۋ ءۇشىن تاعى 4,6 ملن تەڭگە تولەنەدى. سوڭعى كەزدەرى وبلىس ورتالىعىنا جاقىن اۋىلدارداعى ءۇي باعاسىنىڭ قىمباتتاپ كەتكەنىن العا تارتقان جۇمىس بەرۋشىلەر مينيستردەن «ديپلوممەن – اۋىلعا» باعدارلاماسى بويىنشا بەرىلەتىن كوتەرمە پۇل مولشەرىن كوبەيتۋ جاعىن قاراستىرۋدى ءوتىندى. مينيستر بۇل ماسەلەگە بيۋدجەت مۇمكىندىگىن باعامداپ العاننان كەيىن عانا ناقتى جاۋاپ بەرە الاتىنىن ايتتى.

قوستاناي وبلىسى