قازاقستان پرەزيدەنتى قاسىم-جومارت توقاەۆتىڭ مەملەكەتتى جاڭارتۋ جانە جاڭعىرتۋ ءۇشىن ۇسىنعان ساياسي رەفورمالارى ءوز ماقساتىنا جەتەتىنى ءسوزسىز. بۇل 30 جىلدىق دامۋدىڭ بەرىك نەگىزىنە سۇيەنگەن باتىل جانە قولجەتىمدى جول كارتاسى دەۋگە دە بولادى.
قاسىم-جومارت توقاەۆ حالقىن جۇدىرىقتاي جۇمىلدىرۋعا كۇش سالىپ وتىر. ول قازاقستاندىقتار سوڭعى 30 جىل ىشىندە ماقتان تۇتقان تاۋەلسىزدىكتى, بەيبىتشىلىكتى, تۇراقتىلىق پەن كەلىسىمدى قامتاماسىز ەتۋ ءۇشىن رەفورمالاردىڭ قاجەتتىگىن تۇسىنەدى. ول باستاعان ساياسي رەفورمالار ەلدىڭ دامۋىن ارتتىرۋعا جول اشادى.
ءبىزدى قازاقستانداعى «قاسىرەتتى قاڭتار» وقيعاسى مازالاعانى راس. سوندىقتان قازاقستان تاۋەلسىز ەل رەتىندە العا باسۋى ءۇشىن پرەزيدەنت ق.توقاەۆ ءوز سوزىندە اقپاراتتى شىنايى, اشىق جانە تولىق ەسەپكە الۋ, جاريالاۋ كەرەكتىگىن ايتتى. سونداي-اق قىلمىستى اشۋدى قامتاماسىز ەتۋ بويىنشا بەلگىلەگەن قادامدارى زاڭ ۇستەمدىگىن جانە ەلدەگى ادام قۇقىقتارىن ودان ءارى نىعايتۋعا ىقپال ەتەدى, حالىقتىڭ سەنىمىنە يە بولادى.
وڭىرلىك جانە جەرگىلىكتى بيلىك ورگاندارى اراسىنداعى وكىلەتتىكتەردىڭ, جاۋاپكەرشىلىكتىڭ جانە فيسكالدىق اشىقتىقتىڭ ودان ءارى اراجىگىن اجىراتۋ كەز كەلگەن قازىرگى زامانعى ەل ءۇشىن العا باستايتىن ماڭىزدى قادام ەكەنى داۋسىز. قۋاتتى وڭىرلەر مەن جەرگىلىكتى بيلىك ورگاندارى مىقتى جانە ۇيىمشىل قوعامداستىقتار قۇرادى. قازاقستانداعى رەفورمالاردىڭ جاڭا پاكەتى ناق وسىعان باعىتتالعان.
دانيەل ۆيتت,
اقش-تاعى حالىقارالىق سالىق جانە ينۆەستيتسيالىق ورتالىقتىڭ پرەزيدەنتى