مەتاللۋرگيا كومبيناتى ىسكە قوسىلدى

قولعا الىنعان باستامالاردىڭ دەنى مينەرالدى شيكىزات ءوندىرۋ مەن وڭ­دەۋگە قاتىستى. قازىردىڭ وزىندە جەمى­سىن بەرە باستاعان جوبالار دا بار. مىسال­عا, جاقىندا قاراتال اۋدانىندا مەتال­لۋرگيالىق كرەمني وندىرەتىن زاۋىت اشىلدى. «مك «KazSilicon» سەرىكتەس­تىگىنىڭ جوعارى ماركالى مەتاللۋرگيالىق كرەمني وندىرەتىن زاۋىتىن ىسكە قوسۋعا 3,9 ملرد تەڭگە ينۆەستيتسيا تارتىلىپ وتىر. ال كاسىپورىن تولىق قۋاتىندا جۇ­مىس­قا كىرىسكەندە 200 ادام تۇراقتى ەڭبەك­پەن قامتىلادى. مۇنان بولەك, كوم­بيناتقا قاجەتتى مامان دايارلاۋعا ەرەكشە ءمان بەرىلىپ, وسى اۋدانداعى باستوبە اۋىلىنداعى مامانداندىرىلعان كوللەدجدە ەلەكترومونتەر مەن ەلەكتر گاز دانەكەرلەۋشى كاسىبىن يگەرۋگە 48 مامان ارنايى دايارلانىپ جاتىر. ياعني دۋالدى وقىتۋ اياسىندا كومبيناتتىڭ بازاسىندا تەحنيك-مەحانيكتەر مەن كوپىرلى كران وپەراتورلارىن قايتا دايارلاۋعا مۇم­كىندىك جاسالادى.

بۇعان دەيىن وبلىس اكىمى قانات بوزىم­باەۆ جاڭا ينۆەستورلارمەن كەزدەسىپ, وسى جوبانىڭ جاي-جاپسارىن تالقىلاعان بولاتىن. سونىڭ ناتيجەسىندە ءبىرشاما جىل توقتاپ تۇرعان كاسىپورىنعا از ۋاقىت ىشىندە جاڭعىرتۋ جۇمىستارى جۇرگىزىلىپ, قىسقا مەرزىمدە ىسكە قوسىلدى. جاڭعىرتۋ بارىسىندا قۇرىلىس-جوندەۋ, جابدىقتار مەن پەشتى قايتا ىسكە قوسۋ جۇمىستارى جۇرگىزىلدى.

– ءبىز ءبىرشاما جىل توقتاپ تۇرعان KazSilicon مەتاللۋرگيا كومبيناتى­نىڭ قالپىنا كەلتىرىلىپ, قايتا ىسكە قوسىل­عا­نىنا كۋا بولىپ وتىرمىز. جاڭا ينۆەس­تورلار كومبيناتتىڭ ەكىنشى تىنىسىن اشىپ, قىسقا مەرزىم ىشىندە جاڭعىرتۋدان وتكىزدى. كومبيناتقا قاجەتتى ماماندار وسى قاراتال اۋدانىنىڭ وزىندە دايارلانادى. جەرگىلىكتى ماماندار دايارلاۋ ءىسى باستالىپ تا كەتتى. وسى شارالاردىڭ بارلىعى پرەزيدەنتتىڭ حالىقتىڭ ءال-اۋقاتىن ارتتىرۋ, تۇراقتى جۇمىس ورىندارىن اشۋ تۋرالى تاپسىرماسىن ورىنداۋ ماقساتىندا جۇزەگە اسىرىلىپ وتىر, – دەيدى وبلىس اكىمى قانات بوزىمباەۆ.

KazSilicon مەتاللۋرگيا كومبيناتى قاراتال اۋدانىنىڭ جىلىبۇلاق اۋىلى­نا تاياۋ جەردەگى «سارىكول» كەن ور­نى­نان الىناتىن جەلىلىك كۆارتس تۇرىن­دەگى شيكىزاتپەن ءوزىن قامتاماسىز ەتەدى. جالپى, كرەمني الەمدە مەتاللۋر­گيا سالاسىندا, سول سياقتى جوعارى دالدىك­تەگى ەلەكتر قۇرىلعىلارى وندىرى­سىندە پايدالانىلاتىندىقتان ۇلكەن سۇرانىس­قا يە. بۇل كومبيناتتا جىلىنا 6 مىڭ توننا مەتالل وندىرىلەدى. قازاقستاندىق مازمۇننىڭ ۇلەسى 80 پايىز بولاتىن دا­يىن ونىمدەر الەمنىڭ جيىرماعا جۋىق ەلىنە ەكسپورتتالماق.

ينۆەستيتسيا دەمەكشى, بيىل پانفيلوۆ اۋدانىندا دا قۇنى 4,6 ملرد تەڭگەنى قۇرايتىن 19 جوبانىڭ نەگىزى قالانباق. ونىڭ ىشىندە «قورعاس-شىعىس قاقپاسى» ارنايى ەكونوميكالىق ايماعىندا 3 ملرد تەڭگە بولاتىن 5 جوبانى ىسكە اسىرۋ كوزدەلگەن. بۇگىندە جىبەك جولىن دامىتۋ جونىندەگى حالىقارالىق كومپانيا جىلىنا 450 مىڭ دانا اياق كيىم مەن ارنايى كيىم شىعاراتىن كاسىپورىن قۇرىلىسىن باستادى. ال «كاز-اكۆا» كاسىپورنى 300 توننا بالىق ونىمدەرىن دايىندايتىن جانە «ارىستان ي كو» كومپانياسى تاۋلىگىنە 25 توننا جۇگەرى ءدانىن كەپتىرەتىن ءوندىرىستى دامىتۋدى جوسپارلاپ وتىر.

الماتى وبلىسى