اتىراۋدا قالا ورتاسىندا ەكى كولىك سوقتىعىسىپ, ءبىر جۇرگىزۋشى مەرت بولدى. ەكىنشى جۇرگىزۋشى اۋرۋحانا جەتكىزىلدى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, جول-كولىك وقيعاسى 24 ناۋرىزدا ساعات 23:00 شاماسىندا بولعان.
«اتىراۋ قالاسىنداعى ابىلقايىرحان داڭعىلى بويىندا «لادا پريورا» كولىگى كەرى بۇرىلۋ كەزىندە قارسى باعىتتا كەلە جاتقان «Mercedes» كولىگىنە سوقتىعىسقان. جول-كولىك وقيعاسىنىڭ سالدارىنان «لادا پريورا» كولىگىن باسقارعان 1983 جىلعى جۇرگىزۋشى وقيعا ورنىندا مەرت بولدى. ال, «Mercedes» كولىگىنىڭ رۋلىندە بولعان 25 جاستاعى جۇرگىزۋشى اۋرۋحاناعا جەتكىزىلدى», دەپ حابارلادى دەپارتامەنتتىڭ ءباسپاسوز قىزمەتى.
قازىر اتالعان جول-كولىك وقيعاسىنا بايلانىستى تەرگەۋ امالدارى جۇرگىزىلىپ جاتىر.