قۇرىلىس كومپانياسىنىڭ باسشىسى تەمىرجول جولدارىنىڭ قورشاۋىن سالۋعا ارنالعان 57 ميلليون تەڭگەنى جىمقىرعانى ءۇشىن 6 جىلعا شارتتى تۇردە سوتتالدى, دەپ حابارلايدى Egemen.kz.
قارجى مونيتورينگى اگەنتتىگى «جيلوتدەلستروي» جشس باسشىسىنىڭ الاياقتىق دەرەگى بويىنشا تەرگەۋ اياقتالعانىن حابارلادى.
«2015 جىلدان 2019 جىلعا دەيىن قاراعاندى ماگيسترالدىق جەلى بولىمشەسىنىڭ ستانتسيالارىندا جولداردى قورشاۋ بويىنشا قۇرىلىس-مونتاجداۋ جۇمىستارىن ورىنداۋ كەزىندە قۇدايقۇلوۆ ا.ب «قتج» ۇك» اق-نىڭ جالپى سوماسى 57 ميلليون تەڭگەدەن استام اقشا قاراجاتىن قاراعاندى ماگيسترالدىق جەلى ستانتسيالارىنداعى جولداردى قورشاۋ بويىنشا قۇرىلىس-مونتاجداۋ جۇمىستارىن ورىنداۋ كەزىندە جۇمىس كولەمىن ارتتىرۋ ارقىلى جىمقىرعانى انىقتالدى», دەلىنگەن حابارلامادا.
تەرگەۋ ارەكەتتەرى بارىسىندا بيۋدجەتكە كەلتىرىلگەن زالال تولىعىمەن وتەلدى. سوت ۇكىمىمەن قۇدايقۇلوۆ 6 جىلعا شارتتى تۇردە باس بوستاندىعىنان ايىرىلدى.