كەز كەلگەن قوعامدىق سالانى تسيفرلى تەحنولوگيالارسىز ەلەستەتۋ مۇمكىن ەمەس. «اقىلدى قالالار» جوباسى اياسىندا باقىلاۋ جۇيەلەرىنىڭ تيىمدىلىگى كۇن سايىن ارتىپ كەلەدى. وسى ورايدا «سەرگەك» باقىلاۋ كامەرالارىنىڭ جۇمىسىن جەتىلدىرۋدەگى قادامداردى اتاپ وتۋگە بولادى.
الماتى قالالىق پوليتسيا دەپارتامەنتىنىڭ مالىمەتىنشە, وتكەن جىلى الماتىلىق جۇرگىزۋشىلەر جول قوزعالىسى ەرەجەسىن ميلليوننان اسا بۇزعان. ولارعا سالىنعان ايىپپۇلدان بيۋدجەتكە تۇسكەن قاراجات كولەمى وتكەن جىلى 9 ملرد 373 ملن 600 مىڭ تەڭگەگە جەتكەن. ناقتى ايتقاندا, جول ەرەجەسىن بۇزۋ فاكتىسى 1 ملن 312 مىڭدى قۇرايدى. قالادا ءجيى كەزدەسەتىن جول قوزعالىسى ەرەجەلەرىن بۇزۋ جول بەلگىلەرىندە نەمەسە جولدىڭ ءجۇرۋ بولىگىن تاڭبالاۋدا كوزدەلگەن تالاپتاردى ساقتاماۋمەن بايلانىستى بولىپ كەلەدى. ال اكىمشىلىك قۇقىق بۇزۋشىلىق تۋرالى كودەكسكە (اقبتك) سايكەس 130 953 قۇقىق بۇزۋشىلىقتىڭ كۇشى جويىلعان.
الماتى قالاسى اكىمشىلىك دەپارتامەنتى اكىمشىلىك باسقارماسىنىڭ اكىمشىلىك تاجىريبە ءبولىمى تاراتقان مالىمەتكە سايكەس قازىرگى ۋاقىتتا الماتى قالاسىندا 468 اگروونەركاسىپ كەشەنى (2258 كامەرا) جۇمىس ىستەيدى, ولاردىڭ ورنالاسقان 85 جول قيىلىسى, 379 جەلىلىك ۋچاسكە, ونىڭ ىشىندە 21 پوست الماتى قالاسىنىڭ كىرەبەرىسى مەن شىعىسىندا ورنالاسقان. جول قاۋىپسىزدىگىن كۇشەيتۋ ماقساتىندا قالانىڭ اپاتتى ۋچاسكەلەرىنە, جاياۋ جۇرگىنشىلەر وتكەلدەرى مەن كوشە قيىلىستارىنا «سەرگەك» كامەرالارى ورناتىلۋدا. ورناتىلعان كامەرالار سانى اپاتتى ۋچاسكەلەردىڭ, جاياۋ جۇرگىنشىلەر وتكەلدەرىنىڭ, جول قيىلىستارىنىڭ سانىنا جانە تۇرعىنداردىڭ وتىنىشىنە بايلانىستى ەسكەرىلىپ وتىر.
ءىىم اكىمشىلىك پوليتسيا كوميتەتىنىڭ مالىمەتىنشە, اۆتوكولىك وقيعالارى سالدارىنان بولاتىن ءولىم-ءجىتىم وقيعالارى جاياۋ جۇرگىنشىلەردى قاعىپ كەتۋ, كولىكتەردىڭ اۋدارىلۋى جانە قاراما-قارسى جولاققا شىعىپ سوقتىعىسۋىنان ورىن الۋدا. جول كولىك وقيعالارىنىڭ وسى تۇرلەرىندەگى ءولىم-ءجىتىم 56 پايىزدى قۇرايدى. ءاربىر بەسىنشى جول-كولىك وقيعاسى ەلدى مەكەندە جىلدامدىقتىڭ ارتۋىنا بايلانىستى ورىن الادى. 2020 جىلى 200 مىڭنان استام جاياۋ جۇرگىنشى ءتارتىپ بۇزىپ, جول وقيعاسىنىڭ سەبەپكەرى بولسا, وتكەن جىلدىڭ ءتورت ايىنىڭ وزىندە 70 مىڭعا جۋىق جول ەرەجەسىن بۇزۋ دەرەگى انىقتالعان.
الماتى