ەرەكشە بالالارعا – تەگىن ۇيىرمەلەر

وتكەن جىلدان باستاپ بالالاردى بۇقارالىق سپورت تۇرلەرىنە بەلسەندى تارتۋ, سونداي-اق تەگىن سپورت سەكتسيالارى مەن ۇيىرمەلەرىن اشۋ مىندەتى قويىلعانى بەلگىلى. وسى ورايدا مەملەكەتتىك تاپسىرىس اياسىندا سپورت سەكتسيالارى مەن شىعارماشىلىق ۇيىرمەلەردى جان باسىنا نورماتيۆتىك قارجىلاندىرۋ تەتىگىن جۇزەگە اسىرۋعا بايلانىستى شارالارمەن تانىستىرىپ وتكەن الماتى قالاسى سپورت باسقارماسىنىڭ باسشىسى رۇستەم بايسەيتوۆ 4-تەن 17 جاسقا دەيىن, ونىڭ ىشىندە ەرەكشە قاجەت­تىلىك­تەرى بار بالالارعا 71 سپورت تۇرىنەن سپورت سەكتسيا­لارىنا تەگىن قاتىسۋعا مۇم­كىندىگى بار ەكەنىن اتاپ ءوتتى. ونىڭ اي­تۋىنشا, بىلتىر اتالعان جوبانى جۇزەگە اسىرۋعا بيۋدجەتتەن 1,2 ملرد تەڭگە ءبولىندى. بالالاردىڭ سپورتپەن جانە شىعارماشىلىقپەن تەگىن اينالىسۋى اتا-انالار ءۇشىن وتە قولايلى. مالى­مەتتەر بويىنشا, ءبىر بالاعا سپورت سەك­تسياسىنا بارۋدىڭ ورتاشا قۇنى ايى­نا 20 مىڭ تەڭگەدەن اسادى. بالالار ۇيىرمەلەرى مەن سپورت سەكتسيالارىن جان باسىنا قارجىلاندىرۋدى ىسكە قوسۋ ءۇردىسىن جەدەلدەتۋ ماقساتىندا Artsport.edu.kz اقپاراتتىق جۇيەسى جۇمىس ىستەيدى. مەملەكەتتىك سپورتتىق تاپسىرىستى جان باسىنا نورماتيۆتىك قارجىلاندىرۋ اياسىندا قازىرگى كەزدە سپورتتىڭ 37 تۇرىنەن تەگىن قاتىسۋعا مۇمكىندىك جاسالعان. فۋتبول, شاحمات, تاەكۆوندو, دزيۋدو, ءجۇزۋ ەڭ كوپ سۇرانىسقا يە سەكتسيالار قاتارىندا.

وسى ورايدا قالانىڭ جەتىسۋ اۋدا­نىن­­دا «كەمەل» دەنە شىنىق­تىرۋ-سا­ۋىق­­­تىرۋ كەشەنىنىڭ اشىلۋى دا بالا­لارعا تەگىن ۇيىرمەلەرگە قاتىسۋعا مۇم­كىندىك بەرەتىنىن ايتا كەتكەن ءجون. كە­شەن سالاماتتى ءومىر سالتىن جانە بۇقارا­لىق سپورتتى ناسيحاتتاۋ, سونداي-اق اۋدان­دى كەشەندى دامىتۋ ماقساتىندا «شەت­سىز قالا» جوباسى اياسىندا اشىلعان. مۇندا كوركەم گيمناستيكا, ەستەتيكالىق توپتىق گيمناستيكا, بادمينتون جانە شىعىس جەكپە-جەگىنىڭ تۇرلەرى, سونداي-اق مۇمكىندىگى شەكتەۋلى بالالارعا ارنال­عان شاحمات, توعىزقۇمالاق سەكتسيالارى جۇمىس ىستەيتىن بولادى.

الماتى