كەزىندە ەكى سالماق دارەجەسىندە الەم چەمپيونى اتانعان اقش بوكسشىسى تيموتي برەدلي ورتا سالماق دارەجەسىندە باق سىناپ جۇرگەن وتانداسىمىز جانىبەك ءالىمحان ۇلىنىڭ شەبىرلىگىنە ءتانتى ەكەنىن ايتتى, دەپ حابارلايدى Egemen.kz sports.kz-كە سىلتەمە جاساپ.
«شارشى الاڭدا بار بولعانى 11 كەزدەسۋ وتكىزگەن جانىبەك ءالىمحان ۇلىنىڭ شەبەرلىگى ادامدى ءتانتى ەتپەي قويمايدى. ول ۋاقىتتى دۇرىس سەزىنەدى, قارسى سوققىلاردى دەر كەزىندە جۇمسايدى. اسىرەسە ونىڭ قارىمتا شابۋىلدارى كوز سۇيسىنتەدى. بوكسشىلاردى ءمۇلت كەتۋگە ماجبۇرلەيتىنىنە ريزامىن. قارسىلاستارىنىڭ سوققىسىن قايتارىپ بارىپ, ءوزىنىڭ ءدال سوققىلارىن دارىتاتىنى دا ناعىز شەبەرلىكتىڭ ۇلگىسى دەر ەدىم. قىسقاسى, قازاقستاندىق سولاقاي بوكسشى ءوز ءىسىنىڭ شەبەرى. وسىنداي ناعىز بوكسشىلاردىڭ شەبەرلىگىنە ريزا بولماسقا امالىڭ قالمايدى», دەدى ول Espn.com-عا بەرگەن سۇحباتىندا.