تورتكۇل دۇنيەدەگى اۋاسى ەڭ لاس قالانىڭ اتى بەلگىلى بولدى. 2021 جىلدىڭ قورىتىندىلارىن شىعارعان شۆەيتساريالىق IQAir زەرتتەۋ ۇيىمى ءۇندىستان استاناسى نيۋ-دەلي شاھارىن جاھاننىڭ ەڭ لاس قالاسى سانايدى, دەپ حابارلايدى Egemen.kz «حابار 24»-كە سىلتەمە جاساپ.
تەكسەرۋلەر مەن زەرتتەۋلەردىڭ ناتيجەسىندە مۇندا اۋا وكپە مەن تامىرعا تولىق جەتپەيتىنى جانە جەتكەننىڭ وزىندە تىنىس الۋ اۋرۋلارىن تۋدىراتىنى بەلگىلى بولعان.
سونىڭ سالدارىنان ءۇندىستاندا ميلليونداعان تۇرعىن مەرت بولادى ەكەن. ال 2020 جىلى ءبىر عانا نيۋ-دەليدە 54 مىڭعا جۋىق ادام اۋا جەتىسپەۋشىلىگىنەن باقيعا اتتانعان. ۇيىم زەرتتەۋى الەمنىڭ اۋاسى ەڭ لاس 6 قالاسى ءۇندىستاندا ورنالاسقانىن انىقتادى.