الماتى-وسكەمەن تاس جولىندا جانتۇرشىگەرلىك جول اپاتى ورىن الدى, دەپ حابارلايدى Egemen.kz.
اپات سالدارىنان 4 ادام قايتىس بولىپ, بىرەۋى زارداپ شەكتى. بۇل تۋرالى الماتى وبلىستىق پوليتسيا دەپارتامەنتى ءمالىم ەتتى.
«الماتى-وسكەمەن تاس جولىندا Toyota Windom مەن Lexus LX 570 كولىكتەرى سوقتىعىسقان. ءبىرى بۇرىلىپ جاتقاندا قارسى باعىتتا كەلە جاتقان ەكىنشى كولىك كەلىپ سوعىلعان.
وقيعا ورنىندا Toyota Windom كولىگىنىڭ 21 جاستاعى جۇرگىزۋشىسى مەن ءۇش جولاۋشى قايتىس بولدى.
سونداي-اق, قاپشاعاي اۋرۋحاناسىنا ءتۇرلى جاراقاتپەن 50 جاستاعى ايەل جەتكىزىلدى», دەلىنگەن ۆەدومستۆو تاراتقان حابارلامادا.
الداعى ۋاقىتتا تەرگەۋ قىلمىستىق كودەكستىڭ 345-بابىنا سايكەس, ياعني جۇرگىزۋشىنىڭ ابايسىزدا ەكى جانە ودان كوپ ادامنىڭ ولىمىنە اكەپ سوققان جول قوزعالىسى ەرەجەلەرىن ساقتاماۋى بويىنشا جۇرگىزىلەتىن بولادى. قاجەتتى ساراپتامالار بەلگىلەندى.